101831
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མདོ། མངོན་པ། ཊཱི་ཀར་ཐོག་མར་རྣམ་པ་རེ་རེ་ནས་ཕྲི་ནས་མཐར་དམིགས་པའང་དོར་ནས་སྒོམ་པ་དང་། དམིགས་ཡུལ་བདེན་པ་དང་རྣམ་པ་དུས་མཉམ་དུ་ཕྲི་ནས་ལྷག་མ་སྒོམ་པའི་ལུགས་གཉིས་བཤད་པའི་དང་པོ་ནི། |
| Domain | ཆོས་ལུགས། |
{{#arraymap:སྦྱོར་ལམ་བཟོད་པ་འབྲིང་གི་དམིགས་རྣམ་ཕྲི་ཚུལ་
|; |@@@ | | }}
| Part of speech | མིང་ཚིག |
|---|---|
| Definition | ཁ་ཅིག་བཟོད་པ་ཆུང་ངུའི་རྣམ་པ་སུམ་ཅུ་རྩ་གཉིས་ཚང་བར་བསྒོམས་པའི་རྗེས་སུ་ཁམས་གོང་མའི་གཉེན་པོ་ལམ་བདེན་གྱི་རྣམ་པ་གཅིག་ཕྲི་ནས་སྒོམ་པ་ནས་བཟུང་སྟེ་མཐར་འདོད་པའི་སྡུག་བསྔལ་གྱི་བདེན་པའི་རྣམ་པ་གཅིག་ལན་གཉིས་སུ་སྒོམ་པའི་བར་རྣམས་བཟོད་པ་འབྲིང་ཡིན་པས་དེ་ནི་སྐད་ཅིག་མ་བཞི་བརྒྱ་དང་དགུ་བཅུ་རྩ་བདུན་ཡིན་ནོ་ཞེས་འདོད་དོ། ། |
{{#arraymap:སྦྱོར་ལམ་བཟོད་པ་འབྲིང་གི་དམིགས་རྣམ་ཕྲི་ཚུལ་
|; |@@@ | | }}
| Part of speech | མིང་ཚིག |
|---|---|
| Definition | གཉིས་པ་ནི་ཁ་ཅིག་འདི་ལྟར་བཟོད་པ་ཆུང་ངུ་སྔ་མ་ལྟར་བསྒོམས་པའི་རྗེས་ལ་ཁམས་གོང་མ་གཉིས་བསྡོམས་པའི་གཉེན་པོ་ལམ་བདེན་རྣམ་པ་བཞི་དང་བཅས་པ་བོར་ཏེ་ལྷག་མ་ཉི་ཤུ་རྩ་བརྒྱད་སྒོམ་པ་དང་། དེ་ནས་འདོད་པའི་གཉེན་པོ་ལམ་བདེན་རྣམ་པ་བཞི་དང་བཅས་པ་བོར་ཏེ་ལྷག་མ་ཉི་ཤུ་རྩ་བཞི་སྒོམ་པ་ནས་བཟུང་སྟེ་ལྷག་མ་འདོད་པའི་སྡུག་བསྔལ་གྱི་བདེན་པའི་རྣམ་པ་བཞི་སྒོམ་པ་དང་། དེ་ནས་སྒོམ་པ་པོ་དེ་ཡང་དབང་པོ་རྣོན་པོ་ལྟ་བ་སྤྱད་པ་དང་རྟུལ་པོ་སྲེད་པ་སྤྱད་པ་གཉིས་ཡོད་པ་ལས་དང་པོ་ཡིན་ན་འདོད་པའི་སྡུག་བསྔལ་གྱི་བདེན་པའི་རྣམ་པ་དང་པོ་གཉིས་གང་རུང་གཅིག་དོར་ནས་ལྷག་མ་གསུམ་སྒོམ་པ་དང་། དེ་ནས་རྣམ་པ་སྔ་མ་གཉིས་དོར་ནས་ཕྱི་མ་གཉིས་སྒོམ་པ་དང་། དེ་ནས་ལྟ་བ་སྤྱད་པ་དེ་ལའང་བདག་ཏུ་ལྟ་བ་སྤྱད་པ་དང་བདག་གིར་ལྟ་བ་སྤྱད་པ་གཉིས་ཡོད་པ་ལས་དང་པོ་ཡིན་ན་བདག་ཏུ་ལྟ་བའི་གཉེན་པོ་བདག་མེད་པའི་རྣམ་པ་ལན་གཉིས་སུ་སྒོམ་ལ། གཉིས་པ་ཡིན་ན་བདག་གིར་ལྟ་བའི་གཉེན་པོ་སྟོང་པའི་རྣམ་པ་ལན་གཉིས་སུ་སྒོམ་མོ། །སྲེད་པ་སྤྱད་པ་ཡིན་ན་འདོད་པའི་སྡུག་བསྔལ་གྱི་བདེན་པའི་རྣམ་པ་བཞི་ལས་རྣམ་པ་ཕྱི་མ་གཉིས་གང་རུང་གཅིག་དོར་ནས་ལྷག་མ་དང་པོ་གསུམ་སྒོམ་པ་དང་། དེ་ནས་རྣམ་པ་ཕྱི་མ་གཉིས་དོར་ནས་དང་པོ་གཉིས་སྒོམ་པ་དང་། དེ་ནས་སྲེད་པ་སྤྱད་པ་དེ་ལའང་ངའོ་སྙམ་པའི་ང་རྒྱལ་ཤས་ཆེ་བ་དང་ལེ་ལོ་ཤས་ཆེ་བ་གཉིས་ལས་དང་པོ་ཡིན་ན་ང་རྒྱལ་གྱི་གཉེན་པོ་མི་རྟག་པའི་རྣམ་པ་ལན་གཉིས་སུ་སྒོམ་ལ། གཉིས་པ་ཡིན་ན་ལེ་ལོའི་གཉེན་པོ་སྡུག་བསྔལ་གྱི་རྣམ་པ་ལན་གཉིས་སུ་སྒོམ་པའི་བར་རྣམས་བཟོད་པ་འབྲིང་ཡིན་པས་སྐད་ཅིག་མ་བརྒྱ་དང་བཅུ་དགུར་འགྱུར་རོ་ཞེས་ཟེར་རོ། །དེ་ལྟར་ལུགས་གཉིས་བཤད་ཀྱང་འགྲེལ་པའི་དགོངས་པ་ནི་ཕྱི་མ་ཉིད་ཡིན་པར་མངོན་ནོ་ཞེས་མཁས་པ་དག་གསུང་ངོ་ཞེས་མཛོད་འགྲེལ་མངོན་པའི་རྒྱན་ལས་སོ། ། |
{{#arraymap:སྦྱོར་ལམ་བཟོད་པ་འབྲིང་གི་དམིགས་རྣམ་ཕྲི་ཚུལ་
|; |@@@ | | }}