101839

སྦྱོར་ལམ་སྐྱེ་ཚུལ་ (1)

Part of speech	མིང་ཚིག
Definition	མདོ། ཆོས་དྲན་པ་ཉེར་བཞག་དེ་ལྟར་གོམས་པ་དེ་ལས་རིམ་གྱིས་དྲོ་བར་གྱུར་པ་འབྱུང་སྟེ། ཉོན་མོངས་པའི་བུད་ཤིང་སྲེག་བྱེད་ཟག་མེད་ཀྱི་མེའི་སྔ་ལྟས་ཡིན་པས་དེ་སྐད་དོ། །དྲོ་བ་དེ་ནི་རྒྱུན་ཆགས་པའི་བདེན་བཞིའི་སྤྱོད་ཡུལ་ཅན་ཏེ། རྣམ་པ་མི་རྟག་སོགས་བཅུ་དྲུག་ཏུ་ལྟའོ། །དྲོ་བ་ཆུང་འབྲིང་ཆེན་པོ་རིམ་གྱིས་འཕེལ་བ་ལས། རྩེ་མོ་སྐྱེ་སྟེ། དགེ་བའི་རྩ་བ་གཡོ་བའམ་ཉམས་སྲིད་པའི་ཕྱིར་རྩེ་མོ་ཡིན་པས་དེ་སྐད་དོ། །རྩེ་མོ་དེ་ཡང་དམིགས་རྣམ་དྲོད་དང་འདྲ་ལ། ཁྱད་པར་ནི་ཆེས་མཆོག་ཏུ་གྱུར་པས་མིང་གཞན་དུ་བཏགས་སོ། །དྲོད་རྩེ་གཉིས་ཀ་ཆོས་དྲན་པ་ཉེར་བཞག་གིས་དང་པོར་བདེན་པའི་རྣམ་པར་གཏོད་དེ། འགོད་ཅིང་འཇུག་པར་བྱེད་ལ། ལུས་དྲན་པ་ཉེར་བཞག་སོགས་གཞན་གསུམ་གྱིས་འཕེལ་བར་ཏེ་གོམས་པས་བྱང་བར་བྱེད་དོ། །རྩེ་མོ་དེ་ཆུང་འབྲིང་ཆེན་པོ་རིམ་གྱིས་འཕེལ་བ་ལས་བཟོད་པ་སྐྱེ་སྟེ། ཡོངས་སུ་མི་ཉམས་པའི་སྒོ་ནས་བདེན་པ་ལ་ཆེར་བཟོད་པས་དེ་སྐད་དོ། །དྲོད་རྩེ་ནི་ཆུང་འབྲིང་གཉིས་ཉམས་སྲིད་པས་སོ། །དེ་ལ་གསུམ་ལས་ཆུང་འབྲིང་རྣམ་པ་གཉིས་ནི་དམིགས་རྣམ་དང་། རྣམ་པ་གཏོད་ཚུལ་རྩེ་མོ་དེ་བཞིན་ལ། ཁྱད་པར་ནི་བཟོད་པ་གསུམ་ཆར་ཆོས་དྲན་པ་ཉེར་བཞག་གིས་འཕེལ་བར་བྱེད་ཅིང་གཞན་གྱིས་མིན་ཏེ། ཆོས་མཆོག་དང་ཉེ་བས་སོ། །བཟོད་པ་ཆེན་པོ་ནི་འདོད་པར་གཏོགས་པའི་སྡུག་བསྔལ་གྱི་ཡུལ་ཅན་ཡིན་ལ་དྲོད་སོགས་ནི་ཁམས་གསུམ་སྟེ་སྡུག་བསྔལ་སོགས་ལ་དམིགས་སོ། །བཟོད་ཆེན་དེ་ནི་རྒྱུན་མེད་ཅིང་སྐད་ཅིག་གཅིག་ཁོ་ནའོ། །བཟོད་ཆེན་དེ་བཞིན་དུ་ཆོས་མཆོག་ཀྱང་འདོད་པའི་སྡུག་བསྔལ་ལ་དམིགས་པ་དང་། སྐད་ཅིག་གཅིག་སྟེ། འཇིག་རྟེན་པའི་ཆོས་ཀུན་གྱི་མཆོག་ཡིན་པས་འཇིག་རྟེན་ཆོས་མཆོག་སྟེ། སྐལ་མཉམ་གྱི་རྒྱུ་མེད་པར་ནུས་པའི་རྩལ་གྱིས་འཕགས་ལམ་འདྲེན་པས་སོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། །
Domain	ཆོས་ལུགས།

{{#arraymap:སྦྱོར་ལམ་སྐྱེ་ཚུལ་

|; |@@@ | | }}