102096

སྨན་གྱི་གཏོང་ཚུལ་བཅུ་ (1)

Part of speech	མིང་ཚིག
Definition	༡ ཟས་མ་ཟོས་པའི་གོང་སྟེ་སྐྱ་རེངས་གཏོང་དགོས་པ་ནི། བད་ཀན་གྱི་ནད་ལྡང་ཞིང་སྟོབས་རྒྱས་པ་དང་། འདུས་པའི་ནད་སྟོབས་དང་ལྡན་པའི་རིགས་ལ་ཕན་པའི་སྨན་རྣམས་ནི་ཟས་མ་ཟོས་པའི་གོང་ཁྱེའུ་སུས་ཏེ་ནངས་པར་ཐོ་རེངས་ཀྱི་དུས་ཕོ་བའི་བད་ཀན་བྱང་ཞིང་ཟས་མ་ཟོས་པའི་རྩ་སྒོ་རྣམས་ཀྱང་མ་འགགས་པ་དྲོད་དང་སྨན་གྱི་ནུས་པ་མཐུ་ཆེ་བའི་དུས་སམ་ཞོགས་པ་སྐྱ་རེངས་འཆར་བའི་དུས་སུ་གཏོང་། ༢ ཟས་ཟ་བའི་སྔོན་དུ་གཏོང་དགོས་པ་ནི། གཞང་ལ་གནས་པའི་ཐུར་སེལ་རླུང་དང་ལོང་ལ་སོགས་པའི་ཡུལ་དུ་གནས་པའི་ནད་རྣམས་ལ་ཕན་པའི་སྨན་ནི་ཟས་ཟ་བའི་སྔོན་དུ་སྨན་བཏང་ནས་རྗེས་ཐོག་དེ་མ་ཐག་ཏུ་ཟས་ཟ་བ་སྟེ་སྨན་གྱི་ནུས་པ་ཐུར་དུ་འགྲོ་བའི་ཐབས་ཀྱིས་གཏོང་། ༣ ཟས་ཀྱི་དབུས་སུ་གཏོང་དགོས་པ་ནི། རླུང་མེ་མཉམ་སོགས་ལ་ཕན་པའི་སྨན་ནི་བཤད་མ་ཐག་པའི་རིགས་པས་ཟས་ཕྱེད་ཟོས་ནས་སྨན་བཏང་ལ། དེ་རྗེས་ཟས་ཀྱི་ལྷག་མ་དེ་ཟ་བ་སྟེ་ཁ་ཟས་ཕྱེད་ཟོས་ཤིང་ཕྱེད་མ་ཟོས་པའི་དབུས་སུ་གཏོང་། ༤ ཟས་ཟོས་མཐར་གཏོང་དགོས་པ་ནི། རླུང་ཁྱབ་བྱེད་ལས་གྱུར་པའི་ནད་རྣམས་ལ་ཕན་པའི་སྨན་ནི་ཉིན་ཕྱེད་དམ་ཡང་ན་དགོང་མོའི་ཁ་ཟས་ཟོས་མ་ཐག་པའི་དུས་སམ་མཐར་གཏོང་། ༥ ཟས་ཁམ་རེ་དང་སྨན་ཐུན་ཆུང་ངུ་རེ་སྤེལ་ནས་གཏོང་དགོས་པ་ནི། རླུང་སྲོག་འཛིན་ལས་གྱུར་པའི་ནད་རྣམས་ལ་ཕན་པའི་སྨན་ནི་ཟས་ཁམ་རེ་དང་སྨན་ཐུན་རེ་སྟེ་སྨན་ཐུན་ཆུང་ཆུང་རེ་སྤེལ་ནས་གཏོང་། ༦ ཟས་ཀྱི་བར་མཚམས་ཏེ་ཟས་ཞུ་བའི་མཚམས་སུ་གཏོང་དགོས་པ་ནི། གྱེན་རྒྱུའི་རླུང་ལ་སོགས་པ་ནད་རིགས་ཕལ་མོ་ཆེ་ལ་ཕན་པའི་སྨན་ནི་ཟས་ཀྱི་བར་མཚམས་ཏེ་ཟས་ཞུ་བའི་མཚམས་སུ་གཏོང་། སྨན་ཞུ་བའི་མཚམས་སུ་ཟས་གཏོང་བ་སྟེ་སྤྱིར་ཟས་ཞུ་སྨན་ལ་སྨན་ཞུ་ཟས་བཏང་གཅེས་ཞེས་པའི་ཚུལ་དུ་གཏོང་། ༧ དུས་ཀྱི་ངེས་པ་མེད་པ་ཙེ་གུར་ཏེ་སྨན་ཐུན་ཆུང་ངུ་ཡང་ནས་ཡང་དུ་གཏོང་དགོས་པ་ནི། དབུགས་མི་བདེ་བ་དང་ལུད་པ་འཕེལ་བ་ལ་སོགས་པའི་ནད་རྣམས་ལ་ཕན་པའི་སྨན་ནི་ཁ་ཟས་ཟོས་མ་ཟོས་གང་ཡང་རུང་བ་ལ་དུས་ཀྱི་སྐབས་ངེས་པ་མེད་པར་ཙེ་གུར་ཏེ་ཐུན་ཆུང་ཆུང་ཡང་ནས་ཡང་དུ་གཏོང་། ༨ ཟས་བཅས་ཏེ་ཟས་དང་མཉམ་དུ་སྨན་གཏོང་དགོས་པ་ནི། ཡི་ག་འཆུས་པ་ལ་སོགས་པ་ནད་འགའ་ཞིག་ལ་ཕན་པའི་སྨན་རྣམས་ནི་ནད་དེ་རང་ལ་ཕན་པའི་ཁ་ཟས་དང་བཅས་མཉམ་དུ་བསྡེབས་ཏེ་གཏོང་བ་ཡིན། སྨན་སུན་ཡི་ག་སྡར་ལ་གསང་སྟེ་བཏང་ཞེས་པ་ལྟ་བུ་སྨན་གྱིས་སུན་པ་དང་སྨན་བཟའ་མི་འདོད་པའི་ཡི་གེ་འཆུས་པ་སོགས་དེ་ལྟ་བུའི་རིགས་ལ་ཟས་དང་བསྲེས་ནས་ཟ་བ་མ་གཏོགས་སྨན་ལ་ཡི་ག་མེད་པའི་ཕྱིར་ན་ཟས་དང་བསྲེས་ནས་གཏོང་། ༩ ཁ་ཟས་སྔོན་རྗེས་གཉིས་ཀར་སྨན་གྱིས་ཁ་ཟས་བཏུམ་པའམ་མནན་ཐབས་ཀྱི་གཏོང་དགོས་པ་ནི། སྐྱིགས་བུ་ལ་སོགས་པའི་ནད་འགའ་ཞིག་ལ་ཕན་པའི་སྨན་རྣམས་ནི་དབུས་སུ་སྨན་གྱིས་ཁ་ཟས་བཏུམ་པའམ་མནན་ཐབས་ཀྱིས་གཏོང་། ༡༠ མཚན་མོ་ཉལ་ཁའི་དུས་སུ་གཏོང་དགོས་པ་ནི། ནམ་ཚོང་ཡན་ཆད་ལ་གནས་པའི་ནད་རིགས་རྣམས་ལ་ཕན་པའི་སྨན་ནི་མཚན་མོ་ཉལ་ཁའི་དུས་སུ་གཏོང་།
Domain	གསོ་རིག

{{#arraymap:སྨན་གྱི་གཏོང་ཚུལ་བཅུ་

|; |@@@ | | }}