102138

སྨན་ཆུ་ (1)

Part of speech	མིང་ཚིག
Definition	སྨན་རིལ་དང་སྨན་ཕྱེ་སོགས་གཏོང་བྱེད་ཀྱི་ཆུ་ཁོལ་དྲོད་འཇམ།
Example	ང་ལ་སྨན་ཆུ་ཞིག་སྐོལ་རོགས་ཞེས་པ་ལྟ་བུ།

སྨན་ཆུ་ (2)

Part of speech	མིང་ཚིག
Definition	སྨན་ཡོད་པའི་རིའི་ཆུའམ། སྨན་གྱི་ཕན་ནུས་ཅན་གྱི་ཆུའི་རིགས་ཏེ། སྨན་གཞུང་ལས། གཉིས་པ་སྨན་ཆུ་ནི། །སྤྱི་བྱེ་བྲག་སོགས་གསལ་བ་ནི། དཀའ་འགྲེལ་ལས། ངོས་འཛིན་སྤྱི་དང་བྱེ་བྲག་གཉིས། །རྡོ་ཆུ་ཚན་ཆུ་ལན་ཚྭའི་ཆུ། །མ་གཏོགས་ཕལ་ཆེར་ར་གཞོབ་མནམ། རོ་ཡང་གཞན་ལས་གསལ་བ་འབྱུང༌། །བྱ་དང་རི་དྭགས་ངེས་པར་བསྟེན། །མཁས་པས་སྨན་ཆུར་ཤེས་པར་བྱ། །ཡོངས་སུ་གྲགས་པ་རྣམས་བརྟག་སླ། །བྱེ་བྲག་ངོས་འཛིན་གཡུ་ཐོག་པས། །རླུང་མཁྲིས་བད་ཀན་ཁྲག་ཆུ་སེར། །རིམ་བཞིན་སྔོ་དང་སེར་ཞིང་ཁ། །སྐྱ་སྐྱུར་དམར་ཁ་སྨུག་འཁྱིལ་བཞེད། །ཁ་ཅིག་མངར་ཁ་ཚ་སྐྱུར་བསྐ། །རླུང་མཁྲིས་བད་ཀན་སྲིན་ཆུ་སེར། །སེལ་བ་རིགས་ལྔ་དག་ཏུ་འདོད། །བྱེ་བྲག་ཆུ་བདག་ནུབ་ཕྱོགས་སུ་འབེབས། །ཆུ་བྲག་སྔོ་ལ་ཅུང་ཟད་ནག མངར་ཞིང་བཏེག་ན་ལྕི་བ་དང༌། བཏུང་ན་རླུང་སེལ་གཉིད་སེལ་ཡིན། །བྱང་བལྟས་འབབ་ཆུ་བྲག་སེར་ལ། །ཁ་ཞིང་ལྕི་ལ་བཏུང་ན་འཁྲུ། །མཁྲིས་ནད་སེལ་བའི་ཆུ་ཡིན་ནོ། །ལྷོ་བལྟས་ལས་འབབ་དཀར་ཞིང་སྐྱུར། །ཡང་ཞིང་སྐྱུགས་པས་བད་ཀན་སེལ། །ཤར་བལྟས་མཚམས་འབབ་མདོག་མདོག་གང་གཉིས་འདྲེས་ལ་བརྟགས་པས་ནད་འདུས་པ་གང་འདུལ་པ་ལ་ཕན་བཏགས་པ་གནད་གཉིས་འདྲེས། །ནུས་པ་གཉིས་ལྡན་འདུས་པ་སེལ། །ཐང་དཀྱིལ་ཡས་འབབ་མས་ཡར་སྐྱེས། །ཁ་དོག་སྣ་འདི་ཡང་ཁ་དོག་ཤེད་ཆེ་ཆུང་དང་འདུས་པ་ཤེད་ཆེ་ཆུང་སྦྱར་དགོས་སོ་ཚོགས་ཅུང་ཟད་ཉོག སྙོམས་ཤིང་འཁྲུ་སྐྱུགས་འདུས་པ་སེལ། །ཡང་ན་སྐྱུགས་སོགས་མི་འབྱུང་ཡང༌། །ཉེས་གསུམ་མི་ལྡོག་སེལ་བའི་ཆུ། །རླུང་སེལ་མཆོག་རབ་འབྲིང་ཐ་མ། །རོ་བོའི་དམའ་རྐེད་རྐེད་སྟོད་རྩེའི། །སྐྱེ་གནས་གོང་ལས་འོག་མ་བཟང༌། །མཁྲིས་སེལ་དེ་མཆོག་རྩེ། རབ་རྐེད་སྟོད། འབྲིང་རྐེད་པ། ཐ་མ་སྨད་དོ་ལས་ལྡོག་པ་ཡིན། །བད་ཀན་སེལ་བ་སྐད་མཆོག་རྐེད་པ། རབ་རྐེད་སྟོད། འབྲིང་རྩེ། ཐ་མ་དམའོ་ལས་བརྟག ཁ་དོག་དྲི་རོ་གསལ་མི་གསལ། །མཆོག་དམན་ལ་སོགས་རིག་པས་ཤེས། །ཅོང་ཞིའི་བྲག་ལས་སྐྱེ་པ་ནི། །འདུས་པ་སེལ་བ་མཆོག་གི་ཆུ། །ཅོང་ཞིའི་ས་ཐ་རྡོ་འབྲིང་ལས་སྐྱེས་པ། །འབྲིང་དང་ཐ་མ་ཁ་དོག་དང༌། དྲི་རོ་དག་ལ་བརྟགས་པས་ཤེས། །ཞེས་གསུངས་པ་ལྟར་རོ།
Domain	གསོ་རིག