102166

སྨན་པ་གཉིས་ (1)

Part of speech	མིང་ཚིག
Definition	སྔགས། རྙིང་མ། ཉི་ཟླ་འབར་བའི་སྒྲོན་མ་ལས། སྨན་པ་ལ་གཉིས་ཏེ། འཇིག་རྟེན་པའི་སྨན་པ་དང་། འཇིག་རྟེན་ལས་འདས་པའི་སྨན་པ་གཉིས་སོ། །འཇིག་རྟེན་པའི་སྨན་པ་ནི། ནད་རིགས་མི་མཐུན་པ་བརྒྱད་ཁྲི་བཞི་སྟོང་ལ། སྨན་རིགས་མི་མཐུན་པ་བརྒྱད་ཁྲི་བཞི་སྟོང་གིས་འཇོམས་པར་བྱེད་པའོ། །དེ་ཡང་ནད་རིགས་མི་གཅིག་པ་ས་མ་ཡ་འབུམ་སྡེ་བསྡུས་པས། རླུང་དང་། མཁྲིས་པ་དང་། བད་ཀན་དང་། འདུས་པ་དང་བཞིར་འདུས། དེ་བཞི་ཡང་ཚ་གྲང་གཉིས་སུ་འདུས། བཅོས་ལུགས་བསམ་གྱིས་མི་ཁྱབ་ཀྱང་། བསྡུས་པས་བཅོས་ལུགས་ཀྱང་བཞིར་འཆོས། དེ་ལས་བསྡུས་པས་ཚ་གྲང་གཉིས་སུ་འཆོས། སྨན་ཡང་དྲོད་སྨན་བསིལ་སྨན་གཉིས་ཏེ། སྨན་ཡང་དེ་བཞིན་དུ་བཏང་ངོ་། །དཔེ་དེ་བཞིན་དུ་འཇིག་རྟེན་ལས་འདས་པའི་སྨན་པ་ལ་ཡང་གསུམ་སྟེ། སྔོན་བྱུང་གི་སྨན་པ་གསང་བདག་ཆེན་པོ་དང་། དེའི་རྗེས་འཇུག་གི་སྨན་པ་གུ་རུ་དགའ་རབ་རྡོ་རྗེ་དང་། དེའི་གདུང་འཚོབ་ཀྱི་སྨན་པ་སློབ་དཔོན་པདྨ་འབྱུང་གནས་དང་གསུམ་མོ། །གཙོ་བོ་ནི་བཅོམ་ལྡན་འདས་སམ་འཕགས་པ་འཇམ་དཔལ་ལོ། །ཞེས་གསུངས།
Domain	ཆོས་ལུགས།