103014

སྲིད་པའི་རྐུན་པོ་གསུམ་ (1)

Part of speech	མིང་ཚིག
Definition	༡ དགེ་སློང་དག་འདི་ལ་རྐུན་པོ་འཁོར་བརྒྱ་དང་ལྡན་པའམ། འཁོར་སྟོང་དང་ལྡན་པ་དེ་བརྒྱའམ་སྟོང་གི་མདུན་དུ་སོང་སྟེ། ཁྱིམ་འབུགས་པར་བྱེད། མདུད་པ་འགྲོལ་བར་བྱེད། རིལ་གྱིས་འཕྲོག་པར་བྱེད། ལམ་སྒུགས་ཤིང་འདུག་པར་བྱེད། མེ་གཏོང་བར་བྱེད། ལམ་པ་འཇོམས་པར་བྱེད། རྒྱལ་པོའི་མཛོད་རྐུ་བར་བྱེད། གྲོང་འཇོམས་པར་བྱེད། གྲོང་ཁྱེར་འཇོམས་པར་བྱེད། ཡུལ་འཇོམས་པར་བྱེད་པ་དེ་ནི། དགེ་སློང་དག་འཇིག་རྟེན་ན་ཡོད་ཅིང་སྲིད་པའི་རྐུན་པོ་རྐུན་པོ་ཆེན་པོ་དང་པོ་ཡིན་ནོ། ། ༢ དགེ་སློང་དག་གཞན་ཡང་རྐུན་པོ་རྐུན་པོ་ཆེན་པོ་འཁོར་བརྒྱ་དང་ལྡན་པ་ཡང་མ་ཡིན། འཁོར་སྟོང་དང་ཡང་ལྡན་པ་མ་ཡིན་ལ། དེ་བརྒྱའམ་སྟོང་གི་མདུན་དུ་སོང་སྟེ། ཁྱིམ་འབུགས་པར་མི་བྱེད། མདུད་པ་འགྲོལ་བར་མི་བྱེད། རིལ་གྱིས་འཕྲོག་པར་མི་བྱེད། ལམ་སྒུགས་ཤིང་འདུག་པར་མི་བྱེད། མེ་གཏོང་བར་མི་བྱེད། ལམ་པ་འཇོམས་པར་མི་བྱེད། རྒྱལ་པོའི་མཛོད་རྐུ་བར་མི་བྱེད། གྲོང་འཇོམས་པར་མི་བྱེད། གྲོང་ཁྱེར་འཇོམས་པར་མི་བྱེད། ཡུལ་འཇོམས་པར་མི་བྱེད་མོད་ཀྱི་འོན་ཀྱང་དགེ་འདུན་གྱི་རྩའམ། ཤིང་ངམ། མེ་ཏོག་གམ། འབྲས་བུའམ། འོད་མའམ། གཞལ་བ་གང་ཡང་རུང་བ་དེ་བཙོངས་ཤིང་བཙོངས་ཤིང་འཚོ་བར་བྱེད་པ་དང༌། དེས་ཁྱིམ་མི་གསོ་བར་བྱེད་པ་འདི་ནི་འཇིག་རྟེན་ན་ཡོད་ཅིང་སྲིད་པའི་རྐུན་པོ་རྐུན་པོ་ཆེན་པོ་གཉིས་པ་ཡིན་ནོ། ། ༣ དགེ་སློང་དག་གཞན་ཡང་རྐུན་པོ་རྐུན་པོ་ཆེན་པོ་འཁོར་བརྒྱ་དང་ལྡན་པ་ཡང་མ་ཡིན། འཁོར་སྟོང་དང་ལྡན་པ་ཡང་མ་ཡིན་ལ། དེ་བརྒྱའམ་སྟོང་གི་མདུན་དུ་སོང་སྟེ། ཁྱིམ་འབུགས་པར་མི་བྱེད། མདུད་པ་འགྲོལ་བར་མི་བྱེད། རིལ་གྱིས་འཕྲོག་པར་མི་བྱེད། ལམ་སྒུགས་ཤིང་འདུག་པར་མི་བྱེད། མེ་གཏོང་བར་མི་བྱེད། ལམ་པ་འཇོམས་པར་མི་བྱེད། རྒྱལ་པོའི་མཛོད་རྐུ་བར་མི་བྱེད། གྲོང་འཇོམས་པར་མི་བྱེད། གྲོང་ཁྱེར་འཇོམས་པར་མི་བྱེད། ཡུལ་འཇོམས་པར་མི་བྱེད་ཅིང༌། དགེ་འདུན་གྱི་རྩྭའམ། ཤིང་ངམ། མེ་ཏོག་གམ། འབྲས་བུའམ། འོད་མའམ། གཞལ་བ་གང་ཡང་རུང་བ་དེ་བཙོངས་ཤིང་བཙོངས་ཤིང་འཚོ་བར་མི་བྱེད་ལ། དེས་ཁྱིམ་མི་གསོ་བར་མི་བྱེད་མོད་ཀྱི་འོན་ཀྱང་མི་ཆོས་བླ་མ་མེད་ལ་མེད་བཞིན་དུ་སྨྲ་བར་བྱེད་པ་འདི་ནི་འཇིག་རྟེན་ན་ཡོད་ཅིང་སྲིད་པའི་རྐུན་པོ་རྐུན་པོ་ཆེན་པོ་གསུམ་པ་ཡིན་ནོ། །
Domain	ཆོས་ལུགས།

{{#arraymap:སྲིད་པའི་རྐུན་པོ་གསུམ་

|; |@@@ | | }}