103265

སྲེག་པའི་བསྐལ་པ་གཞིལ་བའི་ཏིང་ངེ་འཛིན་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། ཏིང་ངེ་འཛིན་འདི་ཉིད་མདོ་དགོངས་པ་འདུས་པ་ལེའུ་དོན་གསུམ་པར་བསླབ་པའི་མཐའ་བཅུ་ལས་ཉམས་སུ་ཏིང་ངེ་འཛིན་གྱིས་བླང་བ་འཆད་སྐབས་མཚན་བཅས་ཏིང་ངེ་འཛིན་དུ་གཏོགས་པར་གསུངས། མདོ་འགྲེལ་མུན་པའི་གོ་ཆ་ལས། སྲེག་པའི་བསྐལ་པ་གཞིལ་བ་ནི། བསྐལ་པའི་མེ་གཞིལ་བ་དང་དམྱལ་བའི་མེ་གཞིལ་བའོ། །བསྐལ་པའི་མེ་གཞིལ་བ་ནི། ལྷར་གསལ་བའི་སྡིགས་མཛུབ་ཀྱི་རྩེ་མོ་ལ། མ་ལས་ཟླ་བ་བསམ་པ་ཤིན་ཏུ་བརྟན་པ་ལས་ཆུ་རྒྱུན་ཕབ་ལ་གཞིལ་བའོ། །དམྱལ་བའི་མེ་གཞིལ་བ་ནི། རྣལ་འབྱོར་པའི་ལག་མཐིལ་དུ་འཁོར་ལོ་བསམ་པའི་ལྟེ་བ་ལ། ཨ་ལས་ཟླ་བའི་སྟེང་དུ་ཁཾ་སྔོན་པོ་བསམ་པ་ལས་བདུད་རྩིའི་ཆུ་རྒྱུན་ཕབ་ལ་དམྱལ་བའི་མེ་གསད་པའོ། །ཞེས་པ་ལྟར་གཟི་ལྡན་འཆར་ཁའི་འོད་སྣང་ལས། ནང་གི་སྲེག་པ་གཞིལ་བ། ཕྱིའི་སྲེག་པ་གཞིལ་བའོ། །དང་པོ་ནི། རྣལ་འབྱོར་པས་ལག་གི་དཀྱིལ་འཁོར་གྱི་མཐིལ་དུ་འཁོར་ལོ་བསམ་པ་ལས། དེའི་ལྟེ་བར་ཨ་ལས་ཆུ་ཟླའི་དཀྱིལ་འཁོར་རབ་ཏུ་གསལ་བ་ལ་ཁཾ་སྔོན་པོ་བསམ་པས། དེ་ལས་བདུད་རྩིའི་ཆུ་བོ་ཆེན་པོའི་རྒྱུན་བྱུང་བས་སྲེག་ཅིང་འབར་བ་དམྱལ་བའི་མེ་ཆེན་པོ་གསད་དེ་རབ་ཏུ་ཞི་བར་བྱེད་པའོ། །གཉིས་པ་ནི། རྣལ་འབྱོར་པས་སྡིགས་མཛུབ་ཀྱི་རྩེ་མོ་ལ་ཨ་ལས་ཟླ་བའི་དཀྱིལ་འཁོར་འོད་འབར་བ་གསལ་ཏེ་ཤིན་ཏུ་བརྟན་པར་གྱུར་པ་དང༌། དེ་ལས་ཆུ་རྒྱུན་ཕབ་པ་དེས་འཇིག་རྟེན་སྲེག་པའི་མེ་ཡི་བསྐལ་པ་གཞིལ་བར་བྱེད་པའོ། །ཞེས་གསུངས་སོ། །
Domain	ཆོས་ལུགས།