103351

སྲོག་གི་རླུང་གི་འགྲོ་འོང་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཇོ་ནང་། དབུགས་ཕྱིར་འགྲོ་བ་ནི་འབྱུང་བ་ལྔ་སྡུད་རིམ་གྱི་ཚུལ་གྱིས་འགྲོ་བས། རྒས་པ་དང་འཆི་བ་སོགས་ཀྱི་རྒྱུ་ཡིན་ལ། ནང་དུ་འཇུག་པ་ནི་སྐྱེ་རིམ་ཡིན་པས། སྟོབས་དང་ཚེ་ལ་སོགས་པའི་རྒྱུའོ། །དེ་ཡང་ལྟེ་བའི་དཀྱིལ་འཁོར་ནས་བརྩམས་ཏེ་སྲོག་གི་རླུང་རྒྱུ་བ་ཡིན་པ་ལ། ལྟེ་བ་ནས་གཙུག་ཏོར་གྱི་བར་རིམ་པས་རྒྱུད་ནས། སླར་ཡང་སྨིན་མཚམས་ནས་སྣ་བུག་གཡས་གཡོན་གང་རུང་དུ་འབབ་བོ། །དེ་ཡང་ལྟེ་བའི་ཆུ་སྐྱེས་ལ་སའི་ཡོན་ཏན། དྲི་གཟུགས་རོ་རེག་སྒྲ་སྟེ་ལྔ་དང་། སྙིང་ག་ལ་ཆུའི་ཡོན་ཏན་གཟུགས་རོ་རེག་སྒྲ་སྟེ་བཞི་དང་། མགྲིན་པ་ལ་མེའི་ཡོན་ཏན་རོ་རེག་སྒྲ་གསུམ་དང་། དཔྲལ་བ་ལ་རླུང་་གི་ཡོན་ཏན་རེག་སྒྲ་གཉིས་དང་། གཙུག་ཏོར་གྱི་འཁོར་ལོ་ལ་སྟོང་པ་སྟེ་ནམ་མཁའི་ཡོན་ཏན་སྒྲ་གཅིག་པུའི་མཚན་ཉིད་དོ། །དེ་ཡང་ལྟེ་བའི་ས་སྙིང་གའི་ཆུ་ལ་ཐིམ། དེ་མགྲིན་པའི་མེ་དང་། དེ་དཔྲལ་བའི་རླུང་དང་། དེ་གཙུག་ཏོར་གྱི་ནམ་མཁའ་ལ་ཐིམ་པས་ན། བསྡུད་པའི་རིམ་པས་རླུང་ཕྱིར་འབྱུང་བར་འགྱུར་ཞིང་། དེ་ནི་སྔར་གྱི་ལམ་ནས་ནང་དུ་འཇུག་པ་དག་ལ། ནམ་མཁའ་ལས་རླུང་དང་། རླུང་ལས་མེ་དང་། མེ་ལས་ཆུ་དང་། ཆུ་ལས་ས་སྐྱེ་བའི་ཚུལ་གྱིས། བསྐྱེད་པའི་རིམ་པས་མཐར་ལྟེ་བའི་ས་ལ་འཇུག་གོ །
Domain	ཆོས་ལུགས།