103412

སྲོག་རྩོལ་མྱོང་རྟགས་ (1)

Part of speech	མིང་ཚིག
Definition	ཇོ་ནང་། སྔགས། རྣལ་འབྱོར་བླ་མེད་རྒྱུད། སྲོག་རྩོལ་སྒོམ་པའི་མྱོང་རྟོགས་ནི། སྤྱིར་ན་སོར་བསམ་ལས་གཏུམ་མོ་འབར་འཛག་གི་ཞུ་བདེ་རྒྱ་ཆེ་ཞིང་། དགུན་གྱི་གྲང་བ་སེལ་ནུས་པའི་བདེ་དྲོད་རྒྱས་པ་དང་། རླུང་དབུ་མར་ཆུགས་ཀྱང་འཆིང་མ་ཐུབ་པའི་སྐབས་སུ་ལུས་ནང་དུ་འོད་དཀར་པོ་འཆར་བ་དང། སྙིང་ཚ་མགོ་བོ་ན་བ་སོགས་འཕོ་གེགས་བྱུང་ཚེ་འབེབས་པར་བྱ་དགོས་པ་དང་། རླུང་དབུ་མར་འཆིང་བས་ལུས་ཀྱི་རྩ་ཆེ་འབྲིང་ཆུང་གསུམ་ཆད་པ་གསོས་པའི་རྟགས་སུ་ལུས་ཉམས་ལ་མཚོན་གྱིས་འབུགས་པ་སོགས་དང། འགྲིལ་བ་འདར་ཕྲུག་སོགས་དང་། ཚ་ཚེགས་སོགས་འབྱུང་ཞིང་སྲོག་དབུ་མར་ཞག་གཅིག་འཆིང་ཐུབ་ན་དུས་མིན་གྱི་འཆི་བ་སླུ། སྲོག་རྩོལ་གྱི་ཕྱེད་ཕྱི་མའི་སྐབས་སུ་སྲོག་གཟུགས་འདྲེས་པར་སྣང་བ་ལ་གཉིས་སྣང་མཐའ་དག་ལོག་པས་སྲོག་གཟུགས་ཕལ་ལ་འགྲུབ་པར་གསུངས་པ་དང་། དབུ་མའི་རླུང་གིས་དཔྲལ་མགྲིན་སྙིང་ལྟེའི་ཐིག་ལེ་རྣམས་ཡུལ་སྣང་བསྐྱེད་པའི་ནུས་པ་མཐུ་ཅན་ཏུ་བྱས་པས་གྲུབ་མཐའ་བཞིའི་ལྟ་བ་དང་རིག་བྱེད་བཞིའི་དོན་རྣམས་རང་ཤུགས་ཀྱིས་རྟོགས་པའི་ཤེས་རབ་དང་རྒྱུད་སྡེའི་ལྷ་དང་ཞིང་ཁམས་ལྟ་བུ་དང་རིགས་དྲུག་གི་གནས་ལུས་སོགས་མངོན་སུམ་དུ་མཐོང་བའོ། །ཞེས་བྱུང་།
Domain	ཆོས་ལུགས།