103696

སློབ་པའི་སེམས་ཀྱི་མཇུག་ཐོགས་སུ་འབྱུང་བའི་སེམས་ལྔ་ (1)

Part of speech	མིང་ཚིག
Definition	མདོ། མངོན་པ། འཁོར་འདས་ཀྱི་སེམས་བཅུ་གཉིས་ལས་སློབ་པའི་སེམས་ཀྱི་མཇུག་ཐོགས་སུ་འབྱུང་བའི་སེམས་རྣམས་ཏེ། མཛོད་ལས། བཞི་པོ་དེ་དག་ཉིད་དང་། མི་སློབ་པའོ། །ཞེས་པ་ལྟར། སློབ་པའི་སེམས་དེ་ལས་ནི་ལྔ་འབྱུང་སྟེ། སྙོམས་འཇུག་ལས་ལྡང་བ་ན་འདོད་པའི་སྐྱེས་ཐོབ་ཀྱང་གསལ་བས་སྐྱེས་ཐོབ་དང་སྦྱོར་བྱུང་གཉིས་ཀ་འབྱུང་ལ། ཁམས་གོང་མ་གཉིས་ཀྱི་སྐྱེས་ཐོབ་ནི་མི་གསལ་བའི་ཕྱིར་ལྡང་སེམས་མ་ཡིན་པས་སྦྱོར་བྱུང་གཉིས་པོ་ཁོ་ན་འབྱུང་བས་ན་ཁམས་གསུམ་གྱི་དགེ་བ་གསུམ་དང་། རྒྱུན་གྱི་ཚེ་སློབ་པ་རང་ཉིད་དང་། སྙོམས་པར་འཇུག་པའི་ཚེ་སློབ་པ་རྡོ་རྗེ་ལྟ་བུའི་ཏིང་ངེ་འཛིན་གྱི་མཇུག་ཐོགས་སུ་མི་སློབ་པ་ཟད་ཤེས་འབྱུང་བའི་ཕྱིར་ན་ལྔ་དག་གོ །
Domain	ཆོས་ལུགས།