103700

སློབ་པས་ཐོབ་པའི་ཤེས་པའི་གྲངས་ (1)

Part of speech	མིང་ཚིག
Definition	མདོ། མངོན་པ། སློབ་པ་ཞིག་མངོན་པར་ཤེས་པ་དང་པོ་ལྔ་ཐོབ་པར་བྱེད་པའི་བར་ཆད་མེད་པའི་ལམ་ལའང་ཤེས་པ་བདུན་འཐོབ་སྟེ། དེ་ཡང་འདོད་པ་ལས་འདོད་ཆགས་དང་བྲལ་བ་ཞིག་གིས་འཐོབ་ན་སྔར་བཤད་པ་ལྟར་ཡིན་ལ་སྦྱོར་བའི་སྟོབས་ཀྱིས་འཐོབ་ན་ནི་ཀུན་རྫོབ་ཤེས་པ་ད་ལྟར་བ་ཡིན་ནོ། །སློབ་པ་ཞིག་བསམ་གཏན་ཟག་བཅས་དང་ཟག་མེད་སྤེལ་མར་བསྒོམ་པའི་བར་ཆད་མེད་པའི་ལམ་དག་ལའང་བདུན་འཐོབ་སྟེ། འདི་ལའང་ཟག་མེད་ལ་ནི་འགོག་ལམ་ལ་ཆོས་ཤེས་པ་གཉིས་གང་རུང་ངམ་རྗེས་ཤེས་དང་བདེན་པ་བཞི་ཤེས་ལས་གང་རུང་ཞིག་ད་ལྟར་བྱུང་བ་དང་གཞན་ནི་མ་འོངས་པ་འཐོབ་བོ། །ཟག་བཅས་ལ་ནི་ཀུན་རྫོབ་ཤེས་པ་ད་ལྟར་བྱུང་བ་ཡིན་ནོ། །ས་བདུན་ལས་འདོད་ཆགས་དང་བྲལ་བའི་གོང་མ་སྲིད་རྩེ་ལས་འདོད་ཆགས་དང་བྲལ་བའི་རྣམ་པར་གྲོལ་བའི་ལམ་བརྒྱད་ལའང་ཆོས་ཤེས་རྗེས་ཤེས་དང་བདེན་པ་བཞི་ཤེས་དང་ཕ་རོལ་སེམས་ཤེས་དང་བདུན་འཐོབ་སྟེ། བདུན་པོ་དེ་ལའང་འགོག་ལམ་ལ་ཆོས་ཤེས་གཉིས་གང་རུང་ངམ་རྗེས་ཤེས་དང་བདེན་པ་བཞི་ཤེས་ལས་གང་རུང་ཞིག་ད་ལྟར་བྱུང་བ་ཡིན་ལ་གཞན་དག་ནི་མ་འོངས་པ་འཐོབ་བོ། །སྲིད་རྩེའི་གཉེན་པོ་མ་ཡིན་པ་དང་། སློབ་པ་ཡིན་པས་གཞན་གསུམ་ནི་མི་འཐོབ་བོ། །སློབ་པ་ཞིག་དབང་པོ་རྟུལ་པོ་རྣོན་པོར་སྦྱོང་བའི་རྣམ་པར་གྲོལ་བའི་ལམ་ལ་ནི་གལ་ཏེ་ཆགས་བཅས་ཡིན་ན་ཆོས་ཤེས་རྗེས་ཤེས་དང་བདེན་པ་བཞི་ཤེས་ཏེ་ཤེས་པ་དྲུག་དང་འོན་ཏེ་ཆགས་བྲལ་ཞིག་ཡིན་ན་ཕ་རོལ་སེམས་ཤེས་བསྣན་ནས་བདུན་འཐོབ་ཅིང་། ད་ལྟར་བྱུང་བ་ནི་ཆོས་ཤེས་དང་བདེན་པ་བཞི་ཤེས་ལས་གང་ཡང་རུང་བ་ཞིག་དང་གཉིས་ཡིན་ལ་གཞན་དག་ནི་མ་འོངས་པ་འཐོབ་བོ། །སློབ་པ་དབང་པོ་སྦྱོང་བའི་བར་ཆད་མེད་པའི་ལམ་ལ་ནི་ཆགས་བཅས་ཆགས་བྲལ་གཉིས་ཀས་ཆོས་ཤེས་རྗེས་ཤེས་དང་བདེན་པ་བཞི་ཤེས་དང་དྲུག་འཐོབ་ཀྱི། འདིར་ཡང་བར་ཆད་མེད་ལམ་དང་སློབ་པ་ཡིན་པས་ཤེས་པ་གསུམ་མི་འཐོབ་ལ། ཀུན་རྫོབ་ཤེས་པའང་མི་འཐོབ་སྟེ། མཐོང་ལམ་དང་འདྲ་བའི་ཕྱིར་རོ། །ཇི་ལྟར་སློབ་པ་དབང་པོ་སྦྱོང་བའི་བར་ཆད་མེད་པའི་ལམ་ལ་ཤེས་པ་དྲུག་འཐོབ་པ་དེ་བཞིན་དུ་སྲིད་རྩེའི་འདོད་ཆགས་དང་བྲལ་བར་བྱེད་པའི་བར་ཆད་མེད་པའི་ལམ་རྣམས་ལའང་ཤེས་པ་དྲུག་པོ་དེ་དག་ཉིད་འཐོབ་བོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།