1055

ཀླུང་ཤོད་དགེ་འདུན་བསྟན་པ་དར་རྒྱས་ (1)

Part of speech

མིང་ཚིག

Definition

རབ་བྱུང་བརྒྱད་པའི་ཆུ་གླང་ཕྱི་ལོ་ ༡༤༩༣ ལོར་ཀླུང་ཤོད་དབུ་སྣར་འཁྲུངས། བཀའ་བསྟ་གྱི་གཞུང་ལ་ཐོས་བསམ་ནན་ཏན་མཛད། དགེ་བའི་བཤེས་གཉེན་ཆེན་པོར་གྱུར། མལ་གྲོ་ཆ་དཀར་གྱི་བླ་མ་མཛད་པ་ན། འབྲི་གུང་པའི་དམག་འཕོགས་པས་བྲག་དབར་དུ་སྤོས། མཁར་སྐྱའི་ཞལ་བདག་ཀྱང་མཛད། བྱང་རྩེར་བྱོན་ཏེ་འཆད་ཉན་པ་ཡུན་རིང་མཛད། དོན་གསུམ་པ་རབ་བྱུང་དགུ་པའི་ཤིང་གླང་ཕྱི་ལོ་ ༡༥༦༥ ལོར་དགའ་ལྡན་གསེར་ཁྲིར་ཕེབས། ལོ་ངོ་བཞིའི་རིང་དུ་གསེར་ཁྲི་བསྐྱངས། འཆད་ཉན་བཅས་ལ་དོ་དམ་གང་ལེགས་གནང་། དོན་དྲུག་པ་རབ་བྱུང་བཅུ་པའི་ས་འབྲུག་ཕྱི་ལོ་ ༡༥༦༨ ལོར་སྐུ་གཤེགས། དགའ་ལྡན་གསེར་ཁྲིའི་ཁྲི་རབས་ཉེར་གཉིས་པ་ཡིན། དངུལ་ལས་གྲུབ་པའི་དབྱེན་འདུམ་མཆོད་རྟེན་བཞེངས་ཏེ་ལི་མ་ལྷ་ཁང་གི་རྟེན་གཙོ་བོར་བཞུགས། དུས་མཆོད་དབོན་བརྒྱུད་ཀྱིས་འཛིན།