11137

གྲངས་ཚང་མི་འདྲ་བ་བཅུ་གཅིག་ (1)

Part of speech	མིང་ཚིག
Definition	མདོ། འདུལ་བ། འདུལ་བའི་ལས་ཆོག་མི་འདྲ་བའི་དབང་གིས་ལས་བྱེད་པའི་དགེ་སློང་གི་གྲངས་ཚང་དེ་ལ་མི་འདྲ་བ་བཅུ་གཅིག་ཡོད་པ་ཡིན་ལ། དེ་ཡང་པཎ་ཆེན་གྱི་འདུལ་བ་ལུང་རིགས་ཉི་མ་ལས། ཞེས་འབྱུང་བ་ལྟར་གྲངས་ཚང་མི་འདྲ་བ་བཅུ་གཅིག་ཡོད་པའི་ཕྱིར་ཏེ། དགེ་སློང་ཕའི་ལྷག་མའི་དབྱུང་བ་ལ་ཉི་ཤུ། ཡུལ་དབུས་སུ་སྐྱེས་པ་བསྙེན་པར་རྫོགས་པ་ལ་དགེ་སློང་བཅུ། མཐའ་འཁོབ་ཏུ་འདུལ་བ་འཛིན་པ་ལས་མཁན་དང་བཅས་པའི་ལྔ། དགེ་སློང་ཕའི་དགག་དབྱེ་བྱེད་པ་ལ་ལྔ། ལྷག་མ་གཞན་ཐམས་ཅད་ལ་བཞིའི་གྲངས་ཚང་བ། དགེ་སློང་མའི་དགག་དབྱེ་ལ་ཡུལ་དབུས་སུ་དགེ་སློང་ཕ་མ་བརྒྱད་བྱེད་པ་པོ་གཅིག་དང་དགུ ། མགུ་བ་སྤྱོད་པ་ལ་དགེ་སློང་ཕ་མ་བརྒྱད། དགེ་སློང་མའི་ལྷག་མའི་དབྱུང་བ་ལ་ཕ་མ་ཉི་ཤུ་ཉི་ཤུ་སྟེ་བཞི་བཅུ། ཡུལ་དབུས་སུ་བུད་མེད་བསྙེན་པར་རྫོགས་པ་ལ་དགེ་སློང་ཕ་བཅུ། དགེ་སློང་མ་བཅུ་གཉིས་ཏེ་ཉེར་གཉིས། མཐའ་འཁོབ་ཏུ་བསྙེན་པར་རྫོགས་པ་ལ་དགེ་སློང་ཕ་ལྔ་མ་དྲུག་སྟེ་བཅུ་གཅིག །དགེ་སློང་མའི་སྔ་རོལ་གྱི་དགེ་སློབ་མའི་སྡོམ་པ་དང་། ཚངས་སྤྱོད་ལ་ཉེར་གནས་ཀྱི་སྡོམ་པ་གཉིས་དང་། འཁོར་དང་འཁོར་མང་པོ་ཉེ་བར་འཇོག་པའི་གནང་བ་སྦྱིན་པ་ལ། ཡུལ་དབུས་སུ་དགེ་སློང་མ་བཅུ་གཉིས། མཐའ་འཁོབ་ཏུ་དྲུག་གི་གྲངས་ཚང་དགོས་པའི་ཕྱིར། མཐའ་འཁོབ་ཏུ་ཡང་དགེ་སློང་བཅུ་མེད་ན་ལྔས་བསྙེན་པར་རྫོགས་པ་བྱ་རུང་གི། བཅུ་ཡོད་བཞིན་དུ་མི་རུང་སྟེ། སྐྱེ་ལ་ཉེས་བྱས་སུ་གསུངས་པའི་ཕྱིར། འཕོངས་པའི་ཚེ་དགེ་སློང་བཞིས་བསྙེན་རྫོགས་རུང་བ་ཡང་བཤད་ཟིན་ཏོ། །ཞེས་གསུངས།
Domain	ཆོས་ལུགས།