11412

གྲུབ་ཆེན་པདྨ་བདུད་འདུལ་ (1)

Part of speech

མིང་ཚིག

Definition

མཚོ་ཕུ་སྒྲུབ་ཆེན་ཆོས་དབྱིངས་རང་གྲོལ་གྱི་སློབ་མའི་གཙོ་བོ་གྲུབ་ཆེན་པདྨ་བདུད་འདུལ་ནི་ཉག་སྨད་ཤང་ལང་བྲག་དཀར་གྱི་ཉེ་འདབས་ཁང་ཚིག་ཟེར་བར་སྐུ་འཁྲུངས། ཆུང་ནས་བྱ་བཏང་རྣལ་འབྱོར་པའི་ཚུལ་གྱིས་ཇོ་འཁོར་གྱིས་འགྲོ་དོན་མཛད། བླ་མ་སྒྲུབ་ཆེན་དང་མཇལ་མ་ཐག་སངས་རྒྱས་དངོས་མཐོང་གི་དད་པ་ཐོབ། ཀློང་གསལ་རྡོ་རྗེ་སྙིང་པོའི་སྨིན་བྱེད་དབང་དང༌། རྫོགས་པ་ཆེན་པོ་ཁྲེགས་ཆོད་ཀྱི་གདམས་ངག་སྙན་བརྒྱུད་ཟབ་མོ་བུམ་པ་གང་བྱོས་ཀྱི་ཚུལ་གྱིས་ཡོངས་རྫོགས་གསན། རི་ཁྲོད་ཁོ་ན་ལ་བཞུགས་ནས་འཚོ་བ་བཅུད་ལེན་ལ་བརྟེན། རྫོགས་པ་ཆེན་པོའི་ལམ་རྟགས་ཡོངས་སུ་རྫོགས། ཟབ་ཆོས་མཁའ་ཁྱབ་རང་གྲོལ་གྱི་གཏེར་ཆོས་དང༌། དམ་རྫས་སོགས་གཏེར་ནས་དྲངས། སྐལ་བཟང་དགོན་རྟེན་དང་བརྟེན་པ་བཅས་གསར་དུ་བཏབ། སློབ་མའི་གཙོ་བོ་བླ་མ་རང་རིག་རིག་རྡོ་རྗེ་དང༌། བཅོམ་ལྡན་རྡོ་རྗེ། འགྲོ་འདུལ་དཔའ་བོ་རྡོ་རྗེ། བླ་མ་ཡེ་ཤེས་རྡོ་རྗེ། ཛཿསྤྲུལ་ཀུན་བཟང་རྣམ་རྒྱལ་སོགས་རྣལ་འབྱོར་འཁྲུལ་ཞིག་མང་པོས་ས་སྟེང་ཁྱབ་པར་བྱུང༌། སྐུ་ཚེའི་མཐར་ཀཿཐོག་ཏུ་ཕེབས་རྩིས་ཀྱིས་ཡེ་ཚེ་ལྷའང་སུམ་མདོ་དང་ཉེ་བར་ཕེབས་ཏེ་སྐུ་ལུས་འོད་ཀྱི་ཕུང་པོར་ཡལ། གྲུབ་ཆེན་འདི་ནི་ཀཿཐོག་པའི་འཇའ་ལུས་པ་འབུམ་ཕྲག་བྱོན་པའི་མཐའ་མ་ཡིན་ཞེས་བླ་མ་དག་གསུངས་སོ། །