11715

གྲོང་ཁྱེར་གསུམ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། གྲོང་ཁྱེར་གསུམ་ནི། ཕྱོགས་བཅུའི་མུན་སེལ་ལས། ལུས་སྣང་བའི་གྲོང་ཁྱེར། ངག་ཕྱེད་སྣང་གི་གྲོང་ཁྱེར། ཡིད་མི་སྣང་བའི་གྲོང་ཁྱེར། ཞེས་གསུངས།
Domain	ཆོས་ལུགས།

གྲོང་ཁྱེར་གསུམ་ (2)

Part of speech

མིང་ཚིག

Definition

ཕྱེད་སྣང་གི་གྲོང་ཁྱེར་དང་། ཀུན་སྣང་གི་གྲོང་ཁྱེར་དང་། མི་སྣང་བའི་གྲོང་ཁྱེར་བཅས་གསུམ་སྟེ། དེའང་རྒྱུད་ཐ་དད་ལ་སྦྱར་ན་ཁམས་གསུམ་ནི་ཕྱིའི་གྲོང་ཁྱེར། རྒྱུད་གཅིག་ལ་སྦྱར་ན་ལུས་ངག་ཡིད་གསུམ་ནི་ནང་གི་གྲོང་ཁྱེར། ཉོན་ཡིད་ཚོགས་དྲུག་ཀུན་གཞི་གསུམ་ནི་གསང་བའི་གྲོང་ཁྱེར་རོ། །མདོ་དགོངས་པ་འདུས་པར་གདམས་ངག་གསུམ་གྱི་སྐབས་སུ་གོལ་ས་གྲོང་ཁྱེར་གསུམ་དུ་གསུངས་པ་དེ་ལའང་གོང་ལྟར་ཕྱི་ནང་གསང་བའི་གྲོང་ཁྱེར་གསུམ་རེ་སོ་སོར་བགྲངས་པ་ཡིན། འདི་ལ་གྲོང་ཁྱེར་ཆེན་པོ་གསུམ་ཞེས་ཀྱང་བརྗོད།