11936

གླང་ཏིག་པ་ (1)

Part of speech

མིང་ཚིག

Definition

ལོ་རེ་བཞིན་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་སྟེ། རྩ་བ་ཕྲ་ལ་ཨ་ར་འདྲ་བའི་རྩ་ཕྲན་ཡོད་པ་དང༌། སྡོང་པོ་སྔོ་སྐྱ་ཕྲ་ལ་ཁོང་སྟོང་གྲུ་བཞི་དབྱིབས་ཅན་གྱི་སྟོད་ཆ་ནས་ཡལ་ག་གསུམ་བཞི་ཙམ་གྱེས་པ། ལོ་མ་སྔོ་ལྗང་སྒོང་དབྱིབས་ཅན་རྩེ་རྣོ་བའི་མཐར་ཉག་ག་སོག་ལེ་ཁ་འདྲ་བ་ཡོད་པ་ཚིགས་མཚམས་ནས་གཉིས་རེ་ཁ་སྤྲོད་ཀྱི་ཚུལ་དུ་སྐྱེ་བ། སྔོ་སྨུག་མཆུ་དབྱིབས་མེ་ཏོག་སྙེ་དབྱིབས་ཡལ་ག་དང་སྡོང་པོའི་རྩེར་འཆར་བ་བཅས། བོད་ཀྱི་ཡུལ་ལུང་ཁག་གི་རིའི་ཁུག་དང་རི་མ་ལྡེབ་བྱེ་མ་ཤས་ཆེ་བའི་སར་མང་བ། བོད་ཟླ་དྲུག་པའི་ནང་ལོ་སྟོང་མེ་ཏོག་བཅས་པ་བཏུས་ཏེ་གཙང་མ་ཁྲུས་རྗེས་སྔོ་ཆོལ་རྨ་ཕབ་ཐོག་བསིལ་བར་བསྐམས་ནས་སྨན་དུ་སྤྱོད་རྒྱུ། རོ་ཁ་ལ་བསྐ་བ། ཞུ་རྗེས་ཁ་བ། ནུས་པ་བསིལ་བས་མཁྲིས་པའི་ནད་རྣམས་སེལ་བ་ཡིན།