12046

གླིང་གི་འདུལ་ཁྲིམས་བཅུ་གསུམ་ (1)

Part of speech	མིང་ཚིག
Definition	སྟག་ལུང་པའི་རྣམ་ཐར་སོ་དགུའི་ནང་ཚན་ཞིག་སྟེ། དང་པོ། དགེ་འདུན་ཐམས་ཅད་ཀྱང་སྤྱིར་ཕྱི་སོ་ཐར། ནང་བྱང་སེམས། གསང་བ་རིག་འཛིན་གྱི་སྡོམ་པ་རྣམ་དག་ཉམས་སུ་ལེན་དགོས་པའི་སྟེང་བྱེ་བྲག་ཏུ་གླིང་གསེབ་ལ་ཤ་ཆང་མི་འགྲིམ་པ། གཉིས་པ། རྗེ་ཉིད་ཀྱི་ཡུམ་ཡང་སྐྲོད་པ་ལྟར་མཛད་ཅིང་ཆོས་སྐྱོང་ལ་གཉེར་གཏད་ནས་གཟིམ་ཁང་དུ་བུད་མེད་གཏན་དུ་འོང་ས་མེད་པ། གསུམ་པ། མཁན་སློབ་ཀྱིས་དགེ་ཚུལ་སློང་གི་སྡོམ་པ་འབོགས་ཤིང་བསླབ་བྱ་སྟོན་དགོས་པ། བཞི་པ། སྡོམ་པ་དང་དབང་བསྐུར་ཞུ་དགོས་པ་རྣམས་བགྲེས་སྟག་བརྒྱད་ཀྱིས་ཕྱོགས་གཅིག་ཏུ་བསགས་ནས་གཟའ་སྐར་སྦྱོར་བྱེད་བཟང་བ་ལ་རིན་པོ་ཆེ་དང་མཁན་སློབ་ལ་ཞུས་ནས་དེ་དག་མཛད་པ། ལྔ་པ། གོས་སྤུ་ཆགས་དང་ཡུ་ཅན་མི་གྱོན་པ། དྲུག་པ། མི་སྐྱས་ཆུ་མི་ལན་པ། བདུན་པ། ཐོག་ཁར་མི་མི་འགྲོ་བ། བརྒྱད་པ། ཐོག་ཏུ་ཁྱི་མི་གསོ་བ། དགུ་པ། ཉ་ཕག་སྒོང་གསུམ་དང་སྒོག་ཙོང་གི་ཉོ་ཚོང་མི་རྒྱུག་པ། བཅུ་པ། གསོ་སྦྱོང་གཉིས་ཁས་ལེན་དགོས་པ། བཅུ་གཅིག་པ། དབྱར་ཁས་བླངས་ནས་ཟླ་བ་གསུམ་དུ་གནས་དགོས་པ། བཅུ་གཉིས་པ། དགག་དབྱེ་ཚུལ་བཞིན་དུ་མཛད་དགོས་པ། བཅུ་གསུམ་པ། གཙུག་ལག་ཁང་ལ་ཆུའི་གནོད་པ་བསྲུང་ཕྱིར། ཕུ་ཆུ་ལ་རགས་དང་། ཐིགས་ལེན་པ། ཆུ་ལ་བཀྱག་འཛུགས་པ། ཟམ་པ་ཡར་ཕྱིར་འཆོས་པ། སྟོན་དུས་སུ་ས་འབུམ་ཚ་ཁང་ལ་སྐུ་དཀར་གསོལ་བ། ལམ་འཕྲང་འཆོས་པ་སྟེ་ཀློག་པ་ཐོས་བསམ། སྤོང་བ་བསམ་གཏན། བྱ་བ་ལས་ཀྱི་འཁོར་ལོ་གསུམ་ལྡན། སྡོམ་པ་གསུམ་གྱི་ལག་ལེན་ཟབ་མོ་ལྟ་བ་རྒྱ་ཆེན་སྤྱོད་པ་ཉམས་ལེན་བྱིན་རླབས་མོས་གུས་ཕྱག་ཆེན་ཏེ་བཀའ་ཕྱག་ཆུ་བོ་གཉིས་འདྲེས་ཀྱི་རྣམ་ཐར་གླིང་གི་འདུལ་ཁྲིམས་བཅུ་གསུམ་ཞེས་གྲགས་སོ། །
Domain	ལོ་རྒྱུས།

{{#arraymap:གླིང་གི་འདུལ་ཁྲིམས་བཅུ་གསུམ་

|; |@@@ | | }}