12515

གཤིན་རྗེའི་རང་སྐད་དམ་གཤིན་རྗེའི་རང་དབྱངས་ (1)

Part of speech	མིང་ཚིག
Definition	སྲུང་མའི་ཆོས་སྐོར། ཁྱི་ལོའི་དགུན་ནམ་རེ་གཉིས་པའི་དགུན་སྨད་ཅིག་ལ། ཆོས་སྐྱོང་འདི་རྣམས་ལའང་གཏོར་མ་འབུལ་དུས་དབྱངས་ཀྱི་ང་རོ་དང་བཅས་ན་ཤིན་ཏུ་དགྱེས་པར་འདུག་པས་འདི་བཞིན་དུ་བྱེད་པ་ཡིན་གསུངས་ནས། གཤིན་རྗེ་ཆོས་ཀྱི་རྒྱལ་པོ་སྤྱན་འདྲེན་དང་། བསྟོད་ཅིང་བསྐུལ་བ་སོགས་ཀྱི་དབྱངས་བཞི་མཛད། དེ་དུས་ནུབ་གཅིག་འགའ་ཞིག་གི་མནལ་ལམ་དུ། གཤིན་རྗེ་ཆོས་ཀྱི་རྒྱལ་པོའི་སྐུ་བརྗིད་ཅིང་ཆེ་བ་ཞིག་ཕ་ཚད་ནས་བྱོན་ནས་བསྟོད་པའི་དབྱངས་འདི་ལྟར་གྱིས་ལ་འཐེན་ཅིག་གསུངས་ནས། ཁོ་རང་གིས་འཐེན་གྱིན་འདུག་པས་ས་དང་རི་བོ་ཐམས་ཅད་བེར་རེ་རེ་འོང་བ་ཞིག་རྨིས་འདུག གཞན་ཡང་དེ་འདྲའི་རྨིས་ལྟས་འགའ་རེ་ལ་བྱུང་། དེས་ན་བསྟོད་པའི་དབྱངས་འདི་ལ་གཤིན་རྗེའི་ངར་དབྱངས་སམ་གཤིན་རྗེའི་འཐེན་དབྱངས་དཔལ་ལྡན་སྨད་རྒྱུད་པས་འཐེན་བཞིན་པའི་གཤིན་རྗེའི་རང་སྐད་ཟེར་བའང་དོན་འདི་འདྲ་ཡིན་སྙམ། དེ་ནས་དབྱངས་སློབ་པ་རྣམས་ལ་གཏོར་མ་མ་བཤམས་བར་དུ་དབྱངས་བྱ་མི་རུང་བར་འདུག་པས་མ་བྱེད་གསུངས།
Domain	ཆོས་ལུགས།