13236

གསུང་རབ་ཡན་ལག་བཅུ་གཉིས་ (1)

Part of speech	མིང་ཚིག
Definition	ཀུན་བཏུས་ལས། ཆོས་རྣམ་པར་ངེས་པ་གང་ཞེ་ན། ཆོས་ཞེས་བྱ་བ་ནི། མདོ་སྡེའི་སྡེ་དང༌། དབྱངས་ཀྱི་སྙད་པའི་སྡེ་དང༌། ལུང་དུ་བསྟན་པའི་སྡེ་དང༌། ཚིགས་སུ་བཅད་པའི་སྡེ་དང༌། ཆེད་དུ་བརྗོད་པའི་སྡེ་དང༌། གླིང་གཞིའི་སྡེ་དང༌། རྟོགས་པ་བརྗོད་པའི་སྡེ་དང༌། དེ་ལྟ་བུ་བྱུང་བའི་སྡེ་དང༌། སྐྱེས་པ་རབ་ཀྱི་སྡེ་དང༌། ཤིན་ཏུ་རྒྱས་པའི་སྡེ་དང༌། རྨད་དུ་བྱུང་བའི་སྡེ་དང༌། གཏན་ལ་ཕབ་པར་བསྟན་པའི་སྡེའོ། །
Domain	ཆོས་ལུགས།

{{#arraymap:གསུང་རབ་ཡན་ལག་བཅུ་གཉིས་

|; |@@@ | | }}

གསུང་རབ་ཡན་ལག་བཅུ་གཉིས་ (2)

Part of speech

མིང་ཚིག

Definition

གསུང་རབ་ཡན་ལག་བཅུ་གཉིས་ནི་གདུལ་བྱ་མདོར་བསྡུས་པ་ལ་དགའ་བ་རྣམས་ཀྱིས་རྣམ་པར་བཞག་སླ་བ་དང་བཤད་སླ་བ་དང་། བཟུང་སླ་བས་ཆོས་ལ་གུས་པས་ཚོགས་རྫོགས་པ་དང་། མྱུར་དུ་ཆོས་ཉིད་རྟོགས་པ་དང་། དཀོན་མཆོག་གསུམ་ལ་ཤེས་ནས་དད་པ་འཐོབ་པ་དང་། མཐོང་བའི་ཆོས་ལ་བདེ་བར་རེག་པར་གནས་པ་དང་། འབེལ་གཏམ་ལ་མཁས་པར་བྱ་བའི་དགོས་པ་བཅུའི་ཕྱིར་གདུལ་བྱའི་ཉོན་མོངས་པའི་སྤྱོད་པ་ལ་བརྩམས་ནས་མདོར་བསྟན་པའི་ཚུལ་གྱིས་ཕུང་པོ་དང་ཁམས་དང་སྐྱེ་མཆེད་དང་རྟེན་འབྲེལ་དང་ཟས་དང་བདེན་པ་དང་ཐེག་པ་གསུམ་དང་མི་སྡུག་པ་དང་དབུགས་འབྱུང་རྔུབ་དང་བསླབ་པ་གསུམ་དང་ཤེས་ནས་དད་པ་དང་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པ་རྐྱང་པས་གསུངས་པ་མདོའི་སྡེ་དང་། གང་གི་དབུས་དང་མཐར་ཚིགས་སུ་བཅད་དེ་གསུངས་པ་དང་དྲང་དོན་གྱི་མདོ་སྡེ་གང་ཡིན་པ་དེ་ནི་དབྱངས་ཀྱིས་བསྙད་པའི་སྡེ་དང་། གང་ལས་ཉན་ཐོས་འདས་ཏེ་ཤི་འཕོས་པ་དང་མ་འོངས་པ་ན་འབྱུང་བ་ལུང་སྟོན་པ་དང་ངེས་དོན་གྱི་མདོ་སྡེ་ནི་ལུང་བསྟན་པའི་སྡེ་དང་། རྐྱང་པས་གསུངས་པ་མ་ཡིན་པ་རྩ་བ་གཉིས་པ་དང་། རྩ་བ་གསུམ་པ་དང་། རྩ་བ་བཞི་པ་དང་། རྩ་བ་ལྔ་པ་དང་། རྩ་བ་དྲུག་པར་བསྡེབས་ནས་གསུངས་པ་ཚིགས་སུ་བཅད་པའི་སྡེ་དང་། གང་ཟག་གི་མིང་དང་རིགས་མ་བརྗོད་པར་དམ་པའི་ཆོས་དང་བསྟན་པ་ཡུན་རིང་དུ་གནས་པར་བྱ་བའི་ཕྱིར་ཡི་རང་ནས་གསུངས་པ་ཆེད་དུ་བརྗོད་པའི་སྡེ་དང་། གང་ཟག་གི་མིང་དང་རིགས་བརྗོད་ནས་བསྟན་ཅིང་བཤད་པ་དང་གང་གི་ཆེད་དུ་གསུངས་པ་དང་འདུས་པ་དང་ལྡན་པའི་བྱུང་བ་དང་བཅས་གླེང་གཞི་དང་བཅས་པའི་སོ་སོ་ཐར་པ་གསུངས་པ་གླེང་གཞིའི་སྡེ་དང་། དཔེས་དོན་གསལ་བར་བྱེད་པ་དཔེ་དང་བཅས་པར་གསུངས་པ་རྟོགས་པ་བརྗོད་པའི་སྡེ་དང་། སྔོན་གྱི་གཏམ་རྒྱུད་ཀྱི་སྦྱོར་བ་དང་ལྡན་པར་གསུངས་པ་དེ་ལྟ་བུ་བྱུང་བའི་སྡེ་དང་། འདས་པའི་དུས་ལ་བརྟེན་ཏེ་བཅོམ་ལྡན་འདས་ཀྱིས་སྐྱེ་མཆེད་དེ་དང་དེ་དག་ཏུ་བྱང་ཆུབ་སེམས་དཔའི་སྤྱོད་པ་དང་དཀའ་བ་སྤྱད་པ་བསྟན་པ་སྐྱེས་པའི་རབས་ཀྱི་སྡེ་དང་། གང་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་སྟོབས་བཅུ་ལ་སོགས་པ་དང་སྒྲིབ་པ་མེད་པའི་ཡེ་ཤེས་སྒྲུབ་པར་བྱེད་པ་བྱང་ཆུབ་སེམས་དཔའ་རྣམས་ཀྱི་ལམ་བསྟན་པ་ཤིན་ཏུ་རྒྱས་པའི་སྡེ་དང་། གང་ལས་སངས་རྒྱས་དང་བྱང་ཆུབ་སེམས་དཔའ་དང་ཉན་ཐོས་རྣམས་ཀྱི་ཐུན་མོང་དང་ཐུན་མོང་མ་ཡིན་པའི་ཡོན་ཏན་གཞན་ལས་ཁྱད་པར་དུ་འཕགས་པ་ངོ་མཚར་རྨད་དུ་བྱུང་བར་གྲགས་པ་བསྟན་པ་རྨད་དུ་བྱུང་བའི་ཆོས་ཀྱི་སྡེ་དང་། ཆོས་ཐམས་ཅད་ཀྱི་རང་དང་སྤྱིའི་མཚན་ཉིད་ཕྱིན་ཅི་མ་ལོག་པར་བསྟན་པས་མདོ་སྡེའི་དོན་འཆད་ཅིང་གསལ་བར་བྱེད་པ་དང་གཏན་ལ་འབེབས་པར་བྱེད་པ་མ་ལྟ་བུའི་ཆོས་མངོན་པ་ཐམས་ཅད་ནི་གཏན་ལ་དབབ་པར་བསྟན་པའི་སྡེ་ཞེས་བྱའོ་ཞེས་མཛོད་འགྲེལ་མངོན་པའི་རྒྱན་ལས་སོ། །

{{#arraymap:གསུང་རབ་ཡན་ལག་བཅུ་གཉིས་

|; |@@@ | | }}