13240

གསུང་རབ་ཡན་ལས་བཅུ་གཉིས་སྡེ་སྣོད་གསུམ་དུ་བསྡུ་ཚུལ་ (1)

Part of speech	མིང་ཚིག
Definition	ཉན་ཐོས་ཀྱི་ས་ལས། མདོའི་སྡེ་ལ་སོགས་པ་བཅུ་ནི་མདོ་སྡེའི་སྡེ་སྣོད་ཡིན་ཞིང་། གླེང་གཞིའི་སྡེ་ནི་འདུལ་བའི་སྡེ་སྣོད་ཡིན་ལ། གཏན་ལ་དབབ་པར་བསྟན་པའི་སྡེ་ནི་ཆོས་མངོན་པའི་སྡེ་སྣོད་ཡིན་ནོ་ཞེས་བཤད་ལ། ཆོས་མངོན་པ་ཀུན་ལས་བཏུས་ལས་ནི་དང་པོ་ལྔ་ཉན་ཐོས་ཀྱི་མདོ་སྡེའི་སྡེ་སྣོད་དོ། །གླེང་གཞིའི་སྡེ་ནས་སྐྱེས་པའི་རབས་ཀྱི་སྡེའི་བར་བཞི་ནི་འདུལ་བའི་སྡེ་སྣོད་དོ། །ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་ཆོས་ཀྱི་སྡེ་གཉིས་ནི་བྱང་ཆུབ་སེམས་དཔའི་མདོ་སྡེའི་སྡེ་སྣོད་དོ། །གཏན་ལ་དབབ་པར་བསྟན་པ་ནི་ཉན་ཐོས་དང་བྱང་ཆུབ་སེམས་དཔའ་གཉིས་ཀའི་ཆོས་མངོན་པའི་སྡེ་སྣོད་དོ་ཞེས་བཤད་མོད་ཀྱི་ལེགས་པར་བརྟགས་ན་མདོའི་སྡེ་དང་དབྱངས་ཀྱིས་བསྙད་པ་དང་ཚིགས་སུ་བཅད་པ་ལ་སོགས་པ་ལ་ཐེག་ཆེན་གྱི་མདོ་སྡེའང་སྣང་བའི་ཕྱིར་དང་། རྟོགས་པ་བརྗོད་པ་ལ་སོགས་པ་ལ་གཞན་གཉིས་སྣང་བའི་ཕྱིར་དང་། ཉན་ཐོས་ཀྱི་རྨད་དུ་བྱུང་བའི་སྡེ་ནི་ཉན་ཐོས་ཀྱི་མདོ་སྡེའི་སྡེ་སྣོད་དུ་རིགས་པའི་ཕྱིར་དེ་ཁོ་ན་ལྟར་ངེས་པ་ནི་མི་སྣང་ངོ་ཞེས་གསུང་ངོ་། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:གསུང་རབ་ཡན་ལས་བཅུ་གཉིས་སྡེ་སྣོད་གསུམ་དུ་བསྡུ་ཚུལ་

|; |@@@ | | }}