14683

གོས་བསྒོ་བའི་ཉེས་བྱས་ཀྱི་སྡེ་ཚན་ (1)

Part of speech	མིང་ཚིག
Definition	མདོ། འདུལ་བ། སྡོམ་ལ། ཤམ་ཐབས་ལ་ཡང་རྣམ་པ་བདུན། །སྟོད་གཡོགས་ལ་ཡང་རྣམ་པ་གསུམ། །ཞེས་ཏེ། ནམ་ལངས་པའི་ཚེ་ཤམ་ཐབས་ཀྱི་གཟན་ཕུད་དེ་བཞག ཤམ་ཐབས་གོན་པ་བྱའོ། །དེ་ལ་རྣམ་པ་བདུན་ཏེ། ཤམ་ཐབས་ཟླུམ་པོར་བགོ་བར་བྱའོ། །ཧ་ཅང་རྩིངས་པ་མ་ཡིན་པ་དང་། ཧ་ཅང་འཇོལ་བ་མ་ཡིན་པ་དང་། གྲྭ་གླང་པོ་ཆེའི་སྣ་ལྟར་ནར་བ་མ་ཡིན་པ་དང་། གོང་དུ་མ་ལྟེབ་པ་དང་། ཕུར་མ་ལྟར་འདུག་པ་མ་ཡིན་པ་དང་། སྦྲུལ་མགོའི་གདེངས་ཀ་ལྟར་ཕྱིར་བྱུང་བ་མ་ཡིན་པའི་ཚུལ་གྱིས་བགོ་བ་ལ་བསླབ་པར་བྱའོ། །དེ་བཞིན་དུ་སྟོད་གཡོགས་ཀྱང་ཟླུམ་པོར་བགོ་བ་དང་། ཧ་ཅང་རྩིངས་པ་མ་ཡིན་པ་དང་། ཧ་ཅང་འཇོལ་བ་མ་ཡིན་པར་བགོ་བ་ལ་བསླབ་པར་བྱའོ། །ཞེས་ཀུན་མཁྱེན་གོ་རམས་པའི་འདུལ་བའི་སྤྱི་དོན་ལས། ཤམ་ཐབས་ཀྱི་བདུན་ནི། ཤམ་ཐབས་ཀྱི་ཡ་མཐའ་དང་མ་མཐའ་མཐོ་དམན་མེད་པར་ཟླུམ་པོར་བགོ་བ་དང། མ་མཐའ་པུས་མོ་ཡན་ཆད་དུ་བརྩེངས་པ་མ་ཡིན་པ་དང། ལོང་བུ་མན་ཆད་དུ་འཇོལ་བ་མ་ཡིན་པ་དང། ཤམ་ཐབས་ཀྱི་ཕྱོགས་གཅིག་མདུན་ཕྱོགས་སུ་གླང་པོ་ཆེའི་སྣ་ལྟར་འཕྱར་བ་མ་ཡིན་པ་དང། སྐེ་རགས་ཀྱི་གོང་དུ་ཏ་ལའི་ལོ་མ་ལྟར་ལྟབ་པ་མ་ཡིན་པ་དང། སྐེ་རགས་ཀྱི་བར་གྱི་བར་ནས་འབྲུའི་ཕུར་མ་ལྟར་ཕྱིར་འབུར་བ་མ་ཡིན་པ་དང། སྐེ་རགས་ཀྱི་གོང་དུ་སྦྲུལ་མགོའི་གདེང་ཀ་ལྟར་མཐོ་དམན་དུ་འདུག་པ་མ་ཡིན་པའོ། །བླ་གོས་གྱི་གསུམ་ནི། ཟླུམ་པོར་བགོ་བ་དང། ཧ་ཅང་བརྩེངས་པ་མ་ཡིན་པ་དང། ཧ་ཅང་འཇོལ་བ་མ་ཡིན་པའོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས།
Domain	ཆོས་ལུགས།