14788

ང་རྒྱལ་བདུན་ (1)

Part of speech	མིང་ཚིག
Definition	ང་རྒྱལ་རྣམ་པ་བདུན་གང་ཞེ་ན། སེམས་ཁེངས་པ་ནི་ང་རྒྱལ་སྤྱིའི་མཚན་ཉིད་ཡིན་ལ་རྣམ་པའམ་ཡུལ་གྱི་བྱེ་བྲག་ལས་ནི་ཆུང་ངུ་བས་བདག་ཁྱད་པར་དུ་འཕགས་པའམ་མཉམ་པ་དང་མཉམ་མོ་སྙམ་ནས་སེམས་ཁེངས་པའི་ང་རྒྱལ་དང་། མཉམ་པ་བས་བདག་ཁྱད་པར་དུ་འཕགས་པའམ་མཆོག་དང་མཉམ་མོ་སྙམ་པ་ལྷག་པའི་ང་རྒྱལ་དང་། ཁྱད་པར་དུ་འཕགས་པ་བས་ཀྱང་བདག་ཁྱད་པར་དུ་འཕགས་སོ་སྙམ་པ་ང་རྒྱལ་ལས་ཀྱང་ང་རྒྱལ་དང་། ཉེར་ལེན་གྱི་ཕུང་པོ་ལྔ་ལ་བདག་གམ་བདག་གིར་སེམས་ཁེངས་པ་ངའོ་སྙམ་པའི་ང་རྒྱལ་དང་། བསམ་གཏན་ལ་བརྟེན་པའི་ཟག་བཅས་ཟག་མེད་ཀྱི་ཡོན་ཏན་མ་ཐོབ་པ་ལ་ཐོབ་པར་རློམ་པ་མངོན་པའི་ང་རྒྱལ་དང་། ཆེས་ཁྱད་པར་དུ་འཕགས་པ་བས་བདག་ཅུང་ཟད་ཅིག་གིས་དམན་ནོ་སྙམ་དུ་སེམས་ཁེངས་པ་ཅུང་ཟད་སྙམ་པའི་ང་རྒྱལ་དང་། གསོད་པ་ལ་དཔའ་བ་ལ་སོགས་པ་ཡོན་ཏན་མ་ཡིན་པ་ལ་ཡོན་ཏན་དུ་ལྟ་བས་སེམས་ཁེངས་པ་ལོག་པའི་ང་རྒྱལ་དང་། འོ་ན་མངོན་པའི་ང་རྒྱལ་དང་། ལོག་པའི་ང་རྒྱལ་ལ་ཁྱད་པར་ཅི་ཡོད་ཅེ་ན། མངོན་པའི་ང་རྒྱལ་ནི་ཁྱད་པར་ཐོབ་པར་བྱ་བ་དང་འདྲ་བའི་ཡོན་ཏན་ཐོབ་པའི་བསམ་པ་ཡིན་པས་གཞི་དང་བཅས་པ་ཡིན་ལ། ལོག་པའི་ང་རྒྱལ་ནི་ཡོན་ཏན་མེད་པ་ལ་བདག་ནི་ཡོན་ཏན་དང་ལྡན་ནོ་སྙམ་པ་ཡིན་པས་གཞི་མེད་པ་ཡིན་ནོ་ཞེས་ཊཱིཀ་བྱེད་དག་འཆད་དོ། །ཡང་ན་དང་པོ་ནི་ས་གོང་མའི་ཡོན་ཏན་མ་ཐོབ་པ་ལ་ཐོབ་བོ་སྙམ་དུ་སེམས་ཁེངས་པ་ཡིན་ལ། གཉིས་པ་ནི་རང་སའི་ཡོན་ཏན་དང་མི་ལྡན་པ་ལ་ལྡན་ནོ་སྙམ་དུ་སེམས་ཁེངས་པ་ཡིན་ནོ་ཞེས་ཁ་ཅིག་འཆད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།