15110

ངན་སོང་གནས་བཅུ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ངན་སོང་གནས་བཅུ་ནི། དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། དེ་ཡང་མས་རིམ་གྱིས་བགྲངས་ན། དམྱལ་བ་ལ་དམྱལ་ཁམས་བཅོ་བརྒྱད་ཡོད་ཀྱང་ཚ་དམྱལ་རེ་དང་གྲང་དམྱལ་རེ་ཐད་སོར་ཚེ་ཚད་དང་ལུས་ཚད་དང་སྡུག་བསྔལ་གྱི་ཚད་མཉམ་པས་གནས་རིས་རེ་རེར་བརྩི་ལ། ཉི་ཚེ་བ་དང་ཉེ་འཁོར་བའི་དམྱལ་བ་གཉིས་ནི་གནས་རིགས་རེ་རེ་ནའང་ཡོད་ཅིང་དེ་དང་དེའི་རིགས་སུ་གཏོགས་པས་ན་དམྱལ་བ་ལ་གནས་རིགས་བརྒྱད་དང་། ཡི་དྭགས་དང་དུད་འགྲོའི་གནས་རིགས་གཉིས་ཏེ། དེ་ལྟར་གནས་རིགས་བཅུ་ནི་ངན་སོང་གནས་བཅུ་ཞེས་བྱའོ། །ཞེས་གསུངས། གནས་རིགས་བཞི་བཅུ་ཞེ་གཅིག་གི་སྐབས་སུའང་གཟིགས།
Domain	ཆོས་ལུགས།