15116

ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ་བརྟག་པ་སྣང་བའི་རྒྱན་ (1)

Part of speech

མིང་ཚིག

Definition

རྒྱ་གར་གྱི་མཁན་པོ་སུ་བིདྱཱ་ཀ་ར་བརྨ་དང༌། ཞུ་ཆེན་གྱི་ལོ་ཙཱ་བ་དགེ་སློང་དབང་ཕྱུག་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ། བུ་སྟོན་དང་པེ་ཅིང་པར་མ་དང་། སྣར་ཐང་པར་མའི་དཀར་ཆག་ཏུ་འདི་ལ་སྦྱོང་རྒྱུད་ཀྱི་བཤད་པ་བྱེད་ལུགས་ཅུང་འདི་དྲག་པ་འདྲའོ་ཞེས་དང་། སྡེ་དཀར་དུ་འདིའི་སྒྱུར་བ་པོ་རྒྱ་གར་གྱི་མཁན་པོ་སུ་བིདྱ་ཀ་ར་བརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་དབང་ཕྱུག་རྒྱལ་མཚན་གྱི་འགྱུར་ཟེར་བ་ཞེས་ཐེ་ཚོམ་དང་། འདི་ལ་ཀུན་མཁྱེན་བུས་སྦྱོང་རྒྱུད་ཀྱི་བཤད་པ་བྱེད་ལུགས་ཅུང་འདི་ཉིད་ལེགས་པར་གསུངས་པ་དང་། ངོར་བ་རྡོ་རྗེ་འཆང་ཡབ་སྲས་ཀྱིས་འཁྱིམ་ལོ་ཙཱ་བ་དགེ་ཚུལ་ཁྱུང་གྲགས་ཀྱིས་བྱས་ནས་ཀུན་དགའ་སྙིང་པོ་ལ་ཁ་འཕངས་པའི་བོད་མར་བཞེད་དོ། །འོན་ཏེ་སྔོན་གྱི་རྣམས་ཀྱིས་ཁུངས་མར་བཟུང་སྟེ་བཅུག་པ་ལྟར་འདིར་བྲིས་སོ། །ཞེས་འཁོད། བསྟན་འགྱུར་རྒྱུད་ཆུ་པར་བཞུགས།