15511

ངོ་བོའི་སྒོ་ནས་མ་རྟོགས་པ་ (1)

Part of speech	མིང་ཚིག
Definition	ངོ་བོའི་སྒོ་ནས་བསྡུ་ན་གཅིག་ཅེས་བྱ་བ། ངོ་བོའི་སྒོ་ནས་བསྡུ་ན་ལོག་རྟོག་དང་ཐེ་ཚོམ་གཉིས་ཀྱང་མ་རྟོགས་པ་ཉིད་ཡིན་པས་ཚད་མ་མ་ཡིན་པའི་བློ་གཅིག་ཏུ་འདུ་སྟེ། ཚད་མ་གཉིས་ཀའང་རང་རིག་མངོན་སུམ་དུ་འདུ་ལ། ཡུལ་གཉིས་ཀའང་གཞལ་བྱ་རང་མཚན་དུ་འདུ་བར་གསུངས་པ་བཞིན་ནོ། །བོད་རྣམས་ཀྱིས་ཚད་མ་མ་ཡིན་པའི་གཙོ་བོར་གྱུར་པའི་མ་རྟོགས་པའི་བློ་ཕར་དོར་ནས། དོན་མེད་པ་ལ་ཚད་མ་མ་ཡིན་པའི་བློ་ལྔར་ཕྱེ་བར་ཟད་དོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། ། ཀུན་མཁྱེན་རོང་སྟོན་གྱི་རིགས་གཏེར་རྣམ་བཤད་ལས། རིགས་སུ་རྟོགས་པ་ཙམ་གྱི་སྒོ་ནས་མ་རྟོགས། ལོག་རྟོག། ཐེ་ཚོམ་སྟེ། དང་པོ་ནི། གང་ཟག་རང་གིས་རྟོགས་པར་འདོད་པའི་ཡུལ་ལ་སྤྱོད་པ་མ་ཞུགས་པ་ཡིན་ལ། གཉིས་པ་ནི། ཡུལ་གྱི་གནས་ཚུལ་འགལ་བ་འཛིན་པའི་བློ། གསུམ་པ་ནི། ཡུལ་ལ་སྤྱོད་པ་ཞུགས་ཀྱང་ངེས་པ་མ་རྙེད་པའི་བློ། གསུམ་ཀ་ཡང་ཡུལ་གྱི་གནས་ཚུལ་མ་རྟོགས་པའི་ཁོངས་སུ་འདུའོ། །གལ་ཏེ་མ་རྟོགས་པ་དབྱེ་གཞི་ཡིན་པས། དབྱེ་བའི་ཡ་གྱལ་དུ་བགྲང་བར་མི་རིགས་སོ་ཞེ་ན། དབྱེ་གཞིར་བརྗོད་པ་ནི། ཡུལ་གྱི་གནས་ཚུལ་ཇི་ལྟ་བ་བཞིན་མ་རྟོགས་པའི་ལྡོག་པ་ནས་བརྗོད་དོ། །ཚད་མའི་ཤེས་པ་གཉིས་པོ་ཡང་ཡུལ་ཅན་ཡིན་ལུགས་ཀྱི་ངོས་ནས་དཔྱད་ན། རང་རིག་ཚད་མ་ཁོ་ནར་འདུས་ལ། ཚད་མ་མ་ཡིན་པའི་ཤེས་པ་གསུམ་པོ་ཡང་། ཡུལ་རྟོགས་ལུགས་ཀྱི་ངོས་ནས་དཔྱད་ན་ཡུལ་མ་རྟོགས་པ་ལས་དོན་གཞན་མིན་ནོ། །འོ་ན་མ་རྟོགས་པ་དབྱེ་གཞིར་འགྱུར་བས་དབྱེ་བའི་ཡ་གྱལ་དུ་བགྲང་བ་འགལ་ལོ་ཞེ་ན། དབྱེ་བའི་ཡ་གྱལ་དུ་བགྲང་བ་ནི། རྟོགས་པར་འདོད་པའི་ཡུལ་ལ་རྣམ་དཔྱོད་མ་ཞུགས་པ་ཡིན་ལ། དབྱེ་གཞི་ནི། བླང་དོར་གྱི་གནས་སྟོན་པའི་བྱེད་ལས་མི་བྱེད་པ་ལ་བརྗོད་པས་འགལ་བ་མེད་དོ། །ཞེས་སོ། །
Domain	ཚད་མ།