16193

ཆགས་པའི་བསྐལ་བ་ (1)

Part of speech	མིང་ཚིག
Definition	མདོ། མངོན་པ། སྣོད་ཆགས་པ་ལ་བར་བསྐལ་གཅིག་དང་བཅུད་ཆགས་པ་ལ་བར་བསྐལ་བཅུ་དགུ་སྟེ་ཆགས་བསྐལ་གཅིག་ལ་བར་བསྐལ་ཉི་ཤུ་ཡོད་དོ། །ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས། དང་པོའི་རླུང་ཞེས་བྱ་བ་སྣོད་ཀྱི་འཇིག་རྟེན་ཆགས་པའི་སྔ་ལྟས་སུ་རླུང་འཇམ་པོ་ལངས་ཏེ་རླུང་གིས་ཞིག་པའི་རྗེས་སུ་དགེ་རྒྱས་ནས་དང་། ཆུས་ཞིག་པའི་རྗེས་སུ་འོད་གསལ་ནས་དང་། མེས་ཞིག་པའི་རྗེས་སུ་ཚངས་ཆེན་ནས་འཐབ་བྲལ་གྱི་བར་གྱི་སྣོད་ཀྱི་འཇིག་རྟེན་ཡས་མར་རིམ་པ་བཞིན་ཆགས། དེ་ནས་འོག་གཞི་རླུང་གི་དཀྱིལ་འཁོར་ནས་སུམ་ཅུ་རྩ་གསུམ་གྱི་བར་མས་ཡར་རིམ་པ་བཞིན་ཆགས་ཏེ་བར་བསྐལ་གཅིག་གོ ། དེ་ནས་བཅུད་ཆགས་པ་ནི་རླུང་གིས་ཞིག་པའི་རྗེས་སུ་བསམ་གཏན་བཞི་པའི་ལྷ་ཚེ་ཟད་ལས་ཟད་བསོད་ནམས་ཟད་པ་ཞིག་དགེ་རྒྱས་སུ་དང་། ཆུས་ཞིག་པའི་རྗེས་སུ་བསམ་གཏན་གསུམ་པའི་ལྷ་འོད་གསལ་དུ་དང་། མེས་ཞིག་པའི་རྗེས་སུ་བསམ་གཏན་གཉིས་པའི་ལྷ་ཚངས་ཆེན་དུ་སྐྱེས་པ་ནས་བཟུང་སྟེ། རྒྱལ་ཆེན་རིས་བཞི་པའི་བར་གྱི་ལྷ་རྣམས་རིམ་པ་བཞིན་ཆགས་ལ། དེ་ནས་མི་བྱང་དང་། ནུབ་དང་། ཤར་དང་། ལྷོ་རིམ་པ་བཞིན་ཆགས། དེ་ནས་དུད་འགྲོ་དང་། ཡི་དྭགས་དང་། དམྱལ་བ་མནར་མེད་པར་སེམས་ཅན་གཅིག་སྐྱེས་པའི་བར་དུ་བར་བསྐལ་བཅུ་དགུའོ། །འདི་ནི་མེས་ཞིག་པའི་རྗེས་ཡིན་ཏེ། མདོ་ལས་སེམས་ཅན་འོད་གསལ་གྱི་ལྷ་ལས་ཆད་དོ་ཞེས་གསུངས་པའི་ཕྱིར་རོ། །ཞེས་གསུངས་སོ། །
Domain	ཆོས་ལུགས།

{{#arraymap:ཆགས་པའི་བསྐལ་བ་

|; |@@@ | | }}