16735

ཆུ་བཟང་སྐུ་ཕྲེང་གཉིས་པ་བློ་བཟང་བསྟན་པའི་རྒྱལ་མཚན་ (1)

Part of speech

མིང་ཚིག

Definition

འདི་བ་རབ་བྱུང་བཅུ་གཅིག་པའི་ཆུ་འབྲུག་ཕྱི་ལོ་ ༡༦༥༢ ལོར་འཁྲུངས། དབུས་སུ་ཕེབས་ཏེ་འབྲས་སྤུངས་སྒོ་མང་དུ་ཐུགས་གཉེར་གྱིས་ལྷ་རམས་དགེ་བཤེས་ཐོན། ལྔ་པ་ཆེན་མོ་ལས་བསྙེན་པར་རྫོགས། སྐུ་འབུམ་བྱམས་པ་གླིང་དང་དགོན་ལུང་བྱམས་པ་གླིང་གཉིས་ཀྱི་ཁྲིར་བཞུགས། སྐུ་འབུམ་ཁྲིར་ལོ་ངོ་བཅུ་བདུན་བཞུགས་པའི་རིང། དཔྱིད་ཆོས་དང་དབྱར་གནས་ཀྱི་དམ་བཅའ་དང། སྨོན་ལམ་ཚོགས་གླེང་གི་སྲོལ་བཙུགས། འགྲིག་ལམ་དག་ཐེར་དང་བཅའ་ཡིག་གསར་རྩོམ་མཛད། གསེར་གདུང་ལྷ་ཁང་གསར་བཟོ་གནང། ཕྱི་ལོ་༡༧༡༦ ལོར་རྒྱལ་དབང་བདུན་པ་སྐུ་འབུམ་དུ་གདན་དྲངས་ཤིང། ཡོངས་འཛིན་དུ་བཞུགས་པས་ཆུ་བཟང་ཧོ་ཐོག་ཐུ་ཞེས་པའི་ཆོ་ལོ་ཐོབ། ཕྱི་ལོ་༡༧༢༣ ལོར་མན་ཇུའི་དམག་དཔོན་ཉན་ཀོང་ཡོའི་དམག་གིས་རྗེ་འདི་བ་གཙོས་བླ་གྲྭ་བཅུ་བདུན་གསོན་བསྲེགས་བྱས། གསུང་རྩོམ་རང་རྣམ་ཉམས་དགའི་རོལ་རྩེད་ཞེས་པ་བཞུགས།