16739

ཆུ་བཟང་སྐུ་ཕྲེང་བཞི་པ་བློ་བཟང་ཐུབ་བསྟན་རབ་རྒྱས་ (1)

Part of speech

མིང་ཚིག

Definition

འདི་བ་ཕྱི་ལོ་ ༡༧༩༧ ལོར་ལྕང་སྐྱ་སྐུ་ཕྲེང་བཞི་བའི་སྐུ་མཆེད་དུ་འཁྲུངས། ཆུ་བཟང་དགོན་དང་འབྲས་སྤུངས་སྒོ་མང་དུ་གཞུང་ཆེན་རྣམས་ལ་གསན་བསམ་མཐར་ཕྱིན་གནང། རྭ་སྒྲེང་སྐུ་ཕྲེང་གཉིས་པ་ཁྲི་ཆེན་བསྟན་པ་རབ་རྒྱས་ལས་ཆོས་མང་དུ་གསན། དགུང་ལོ་སོ་བདུན་སྟེང་ཆུ་བཟང་དུ་ཇོ་ཁང་བཞེངས། ལོ་དེར་བྱ་ཁྱུང་གི་མཁན་རབས་དྲུག་ཅུ་བར་ཕེབས། བྱ་ཁྱུང་འདུ་ཁང་གསར་བཞེངས་ཀྱི་ཁུར་རྐང་བཞེས་ཀྱིས་བྱ་ཁྱུང་གི་དགོན་བདག་ཏུ་གྱུར། བླ་བྲང་བཀྲ་ཤིས་འཁྱིལ་དུ་སྔ་ཕྱིར་བྱོན་ནས། ཀུན་མཁྱེན་སྐུ་ཕྲེང་གསུམ་པ་འཇིགས་མེད་རྒྱ་མཚོ་དང་ཐུགས་འདྲིས་ཆེ་བ་བྱུང་། ཕྱི་ལོ་ ༡༨༥༨ ལོར་དགོངས་པ་ཆོས་དབྱིངས་སུ་ཐིམ།