16740

ཆུ་བཟང་སྐུ་ཕྲེང་ལྔ་པ་བློ་བཟང་ཐུབ་བསྟན་ཉི་མ་ (1)

Part of speech

མིང་ཚིག

Definition

འདི་བ་རབ་བྱུང་བཅུ་བཞི་པའི་ས་ལུག་ཕྱི་ལོ་ ༡༨༥༩ ལོར། ཆུ་བཟང་རྭ་ལོ་ཐང་དུ་འཁྲུངས། ར་ལོ་རིན་པོ་ཆེ། ལ་མོ་ཞབས་དྲུང་དཀར་པོ། ལེན་དཔའ་ཐེ་ཚང་བཅས་འདི་བའི་སྐུ་མཆེད་ཡིན། མདོ་དབུས་གཉིས་སུ་སློབ་གཉེར་གནང་སྟེ་དགེ་བཤེས་ཐོན། རྒྱལ་དབང་སྐུ་ཕྲེང་བཅུ་གཉིས་པས་བཀའ་ཤོག་གནང། ཕྱིར་མདོ་སྨད་དུ་བྱོན་ནས་བྱ་ཁྱུང་གི་ཁྲིར་བཞུགས། ཤིན་ཅང་ཧ་ར་ཤར་ལ་ལན་གཉིས་ཕེབས་ནས་དུས་འཁོར་དབང་ཆེན་སོགས་ཟབ་ཆོས་ཅི་རིགས་གནང། ཆུ་བཟང་དགོན་པ་ཧོས་འཁྲུགས་སྔོན་མའི་སྐབས་མེར་བསྲེགས་པ་བསྐྱར་བཞེངས་མཛད། བླ་བྲང་སྒོ་མང་རིན་པོ་ཆེ་ལས་ཟབ་ཆོས་མང་དུ་གསན། མ་ཡང་པཎྚི་ཏ་ལས་གསོ་རིག་གི་གཞུང་ལ་མཁས་པར་སྦྱངས། ལྕང་སྐྱ་སྐུ་ཕྲེང་བདུན་པའི་ཡོངས་འཛིན་མཛད། རབ་བྱུང་བཅོ་ལྔ་བའི་ཆུ་གླང་ཕྱི་ལོ་ ༡༩༡༣ ལོར་སྐུ་གཤེགས། གསུང་རྩོམ་པོད་གཉིས་ཙམ་བཞུགས།