16771

ཆུ་བོ་རབ་མེད་ (1)

Part of speech	མིང་ཚིག
Definition	མི་རྟ་སོགས་བགྲོད་མི་ཐུབ་པའམ་བགྲོད་དཀའ་བའི་ཆུ་བོའི་མིང་སྟེ།
Example	ཆུ་བོ་རབ་མེད་ལ་རབ་བཏོད་ཅིང་། དཔེ་མེད་སྲོལ་མེད་ལ་སྲོལ་བཏོད་ལྟ་བུ།

ཆུ་བོ་རབ་མེད་ (2)

Part of speech	མིང་ཚིག
Definition	ཡི་དྭགས་ཀྱི་མིང་སྟེ། འདིའི་མིག་ལམ་དུ་རྒྱང་རིང་པོར་བཟའ་བ་དང་། བཏུང་བ་ཕུན་སུམ་ཚོགས་པ་མཐོང་བར་སྲེད་པ་སྐྱེས་ནས་དེར་སོང་བ་ན། ཆུ་བོ་ཆེན་པོ་བརྒལ་བའི་རབ་མེད་པས་རེ་བ་ཟད་པའི་མིང་དེ་ལྟར་བཏགས་པར་བཤད།
Type	མངོན་བརྗོད།

ཆུ་བོ་རབ་མེད་ (3)

Part of speech	མིང་ཚིག
Definition	མདོ། མངོན་པ་མཛོད་ནས་བཤད་པའི་ཚ་དམྱལ་བརྒྱད་ཀྱི་ཉེ་འཁོར་དམྱལ་བ་བཞིའི་ནང་གསེས་ཤིག་སྟེ། སྤུ་གྲི་ཅན་གྱི་ཚལ་རྒལ་བ་ན་ཐང་ཆུ་ཁོལ་མས་གང་བ་འགྲམ་ན་སྐྱེས་བུ་མཚོན་ཆ་ཐོགས་པས་བསྲུང་ཞིང་། སྟེང་འོག་སྣམ་ལོགས་གར་འགྲོ་ཡང་བརྡུང་ཞིང་འཚེད་པར་བྱེད་པའི་དམྱལ་བའོ། །དབྱེ་ན་ཚ་དམྱལ་བརྒྱད་ཀྱི་ཉེ་འཁོར་ཡོད་པས་བརྒྱད་དོ། །
Domain	ཆོས་ལུགས།