16791

ཆུ་མ་རྩི་ (1)

Part of speech

མིང་ཚིག

Definition

ལྕུམ་དཀར་པོའི་མིང་སྟེ། ལོ་མང་སྐྱེ་བའི་ལྕུམ་བུ་ཐང་སྨན་རིགས་ཀྱི་སྐྱེ་དངོས་ཤིག རྩ་བ་སྦོམ་ལ་རྒྱས་ཤིང་རྩ་ཕྲན་སོགས་ལྕུམ་ནག་དང་འདྲ་ཡང་འདི་སྐྱ་ལ་སོབ་པ་དང་། ལོ་མ་ལྗང་སེར་རྒྱ་ཆེ་བ་རྒྱབ་སྐྱ་ལ་མཐའ་མཉམ་པར་རྩ་རིས་དྲ་བ་ལྟར་གྱེས། ངར་བ་ཐུང་ཞིང་ལོ་མ་མང་བ་གཞི་རྩ་ནས་པག་གདན་ལྟར་སྐྱེ་བ། སྡོང་པོ་ཆིག་རྐྱང་ཁོང་སྟོང་སྦོམ་ལ་རིང་པ་པདྨ་འདྲ་བའི་ལོ་མང་རྣམས་ཀྱི་དབུས་ནས་དོན་པ། སྡོང་པོ་དང་ལོ་མའི་དབྱིབས་སོགས་གོང་དང་འདྲ་ཞིང་སྡོང་པོའི་ཕྱེད་ཙམ་ནས་ལོ་མ་དཀར་པོར་གྱུར་ཏེ་བྱ་སྤུ་ལྟར་ལོ་མ་གཅིག་གིས་གཅིག་མནན་ཞིང་རྒྱལ་མཚན་གྱི་དབྱིབས་འདྲ་བ། ཐག་རིང་ནས་བལྟས་པའི་ཚེ་མི་དཀར་པོ་ཞིག་ལ་ཁར་ལངས་པ་ལྟ་བུ་མངོན་གྱི་ཡོད། མེ་ཏོག་དང་འབྲས་བུ་སོགས་ལྕུམ་ནག་དང་འདྲ་བ་ཡིན།