17344

ཆོ་ག་ལྔ་ (1)

Part of speech	མིང་ཚིག
Definition	སྔགས། མ་སྨིན་པ་སྨིན་པར་བྱེད་པའི་ཆོ་ག། སྨིན་པ་མི་ཉམས་པར་བྱེད་པ་དམ་ཚིག་སྲུང་བའི་ཆོ་ག། བླ་མ་ལས་རྒྱུད་མཉན་ནས་མཚན་ཉིད་ཤེས་པར་བྱེད་པའི་ཆོ་ག། བྱང་ཆུབ་འགྲུབ་པར་བྱེད་པ་སེམས་སྦྱོང་བའི་ཆོ་ག། དེ་མཐར་ཕྱིན་པའི་ཐབས་སྤྱོད་པ་དགེ་བའི་ཆོ་གའོ། །
Domain	ཆོས་ལུགས།

ཆོ་ག་ལྔ་ (2)

Part of speech

མིང་ཚིག

Definition

མ་ཧཱ་ཡོ་ག གསང་སྔགས་ཀྱི་དངོས་གྲུབ་སྒྲུབ་པའི་ཐབས་སམ་ཆོ་ག་སྟེ། དཀོན་ཅོག་འགྲེལ་ལས། དེ་ལ་སྐབས་འདིར་ནི་དངོས་གྲུབ་ཀྱི་རྒྱུ་དང་ཐབས་སུ་གྱུར་པ། དང་པོ་འཇུག་པའི་སྤྱོད་པ་དང་། དངོས་གྲུབ་སྒྲུབ་པའི་སྤྱོད་པ་དག་གསུངས་ཏེ། དེ་ལ་ཐེག་པ་ཆེན་པོ་མ་ནོར་བར་སྟོན་པའི་དགེ་བའི་བཤེས་གཉེན་ཡོངས་སུ་བཟུང་བ་ནི་དངོས་གྲུབ་སྒྲུབ་པའི་ཐབས་ཀྱི་ཆོ་ག་དང་པོའོ། །དེ་ནས་དེས་བསྟན་པའི་གསང་བའི་དཀྱིལ་འཁོར་དུ་འཇུག་ཅིང་དབང་ནོད་པ་ནི་དེ་བཞིན་དུ་གཉིས་པའོ། །དེའི་ཚེ་ཐེག་པ་ཆེན་པོའི་དམ་ཚིག་གི་སྡོམ་པ་མནོས་ཏེ་བདག་དམ་ཚིག་ཅན་དུ་བྱ་བ་ནི་གསུམ་པའོ། །དེ་ནས་སྒྲུབ་པ་ལ་སོགས་པའི་མན་ངག་ཐམས་ཅད་མནོས་ཏེ་མན་ངག་ཅན་དུ་བྱ་བ་ནི་བཞི་པ་སྟེ། དེ་ཕན་ཆད་ཀྱང་སྤྲོ་བ་མི་ལྷོད་ཅིང་བརྩོན་པ་མི་འདོར་བས་བཀའ་བཞིན་དུ་བྱེད་པ་ནི་ལྔ་པ་སྟེ། འདི་དག་དང་ལྡན་ན་དངོས་གྲུབ་ཀྱི་རྒྱུ་ཡོད་པ་ནི་འོ་མ་ལས་མར་བཞིན་ནོ། །ཞེས་གསུངས།