17499

ཆོས་ཀྱི་བདག་ (1)

Part of speech	མིང་ཚིག
Definition	མདོ། དབུ་མ། ཀུན་མཁྱེན་གོ་རམས་པའི་ལྟ་བའི་ཤན་འབྱེད་ལས། ཆོས་ཀྱི་བདག་དངོས་པོ་རྣམས་ལ་གཞན་ལ་རག་མ་ལས་པའི་ངོ་བོ་ཞིག་ཡོད་ན་དེ་ཉིད་ལ་འཇོག་པ་ནི། བཞི་བརྒྱ་པའི་འགྲེལ་པར། དེ་ལྟར་གསུངས་ཀྱང་དེ་ཁོ་ན་ལ་འཇོག་པ་ནི། རྩ་འགྲེལ་གཉིས་ཀྱི་དགོངས་པ་མིན་ཏེ། དེ་དག་སྤྲོས་ལས་སྤྲོས་པ་ནི། །སྟོང་པ་ཉིད་ཀྱིས་འགགས་པར་འགྱུར། །ཞེེས་པའི་སྤྲོས་པ་དེ་ཉིད་ལ་ཆོས་ཀྱི་བདག་དང། དེར་འཛིན་པའི་མཚན་འཛིན་ལ་ཆོས་ཀྱི་བདག་འཛིན་དུ་འཇོག་པ་ནི་ཀླུ་སྒྲུབ་ཀྱི་དགོངས་པ་ཡིན་ཞིང། མཚན་འཛིན་དེ་ལ་བདེན་པའི་མཚན་མར་འཛིན་པ་དང། བདེན་པས་སྟོང་པའི་མཚན་མར་འཛིན་པ་སོགས་བཞི་ཡོད་པས། དེའི་ཡུལ་གྱི་སྤྲོས་པ་དེ་ལ་མཐའ་བཞིའི་སྤྲོས་པ་བཞི་ཡོད་པའི་བཞི་ཆར་ལ་ཆོས་ཀྱི་བདག་ཏུ་འཇོག་དགོས་པའི་ཕྱིར་རོ། །དེས་ན་བཞི་བརྒྱ་པའི་འགྲེལ་པའི་དགོངས་པ་ནི། སྤྲོས་པ་དང་པོ་ལ་དགོངས་པར་གསལ་ཞིང་། ཆོས་ཀྱི་བདག་འཛིན་ཡིན་ན་བདེན་འཛིན་ཡིན་པས་མ་ཁྱབ་པའི་གནད་ཀྱང་འདི་ཉིད་ཡིན་ལ། ཞེས་གསུངས་སོ། །
Domain	[ཆོས་ལུགས།, ལྟ་གྲུབ།]