17502

ཆོས་ཀྱི་བདག་མེད་གསལ་རྒྱས་ཚང་གསུམ་ (1)

Part of speech	མིང་ཚིག
Definition	མདོ། དབུ་མ། འདིར་ཆོས་ཀྱི་བདག་མེད་གསལ་བ་ནི། ཉན་ཐོས་ཀྱི་ཐེག་པར། གཟུགས་ནི་དབུ་བ་རྡོས་པ་འདྲ། །ཞེས་སོགས་དཔེའི་སྒོ་ནས་དོན་གྱིས་གོ་བ་ཙམ་ལས་གསལ་བར་མ་གསུངས་ལ། ཐེག་པ་ཆེན་པོར་ནི། གཟུགས་ནི་གཟུགས་ཀྱིས་སྟོང། ཞེས་སོགས་གསལ་བར་གསུངས་པའོ། །རྒྱས་པ་ནི། ཉན་ཐོས་ཀྱི་ཐེག་པར་གང་ཟག་ཏུ་གདགས་པའི་རྒྱུ་ཉེར་ལེན་གྱི་ཕུང་པོ་བདེན་པས་སྟོང་པ་ཙམ་ལས་མ་གསུངས་ལ། ཐེག་པ་ཆེན་པོར་ནི་དེ་ཉིད་ནང་སྟོང་པ་ཉིད་དུ་བསྡུས་ནས་སྟོང་གཞིའི་ཆོས་ཅན་ཉི་ཤུ་སྟོང་ཉིད་དུ་གསུངས་པའོ། །ཚང་བ་ནི། ཉན་ཐོས་ཀྱི་ཐེག་པར་ནི་ཉེར་ལེན་གྱི་ཕུང་པོ་ཉིད་ལ་ཡང་མཐའ་བཞིའི་ནང་ནས་དང་པོ་བདེན་པ་བཀག་པའི་མཚན་མེད་ཙམ་ལས་མ་བསྟན་པ་ལ་ཐེག་པ་ཆེན་པོར་ནི་མཐའ་བཞི་ཆར་གྱི་སྤྲོས་པ་བཀག་པའི་མཚན་མེད་ཚང་བར་བསྟན་པའོ་ཞེས་ཀུན་མཁྱེན་གོ་རམས་པས་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།