17555

ཆོས་ཀྱི་རྒྱལ་པོར་ཆོས་དང་ལྡན་པའི་ཡན་ལག་བཅུ་ (1)

Part of speech	མིང་ཚིག
Definition	འཕགས་པ་བྱང་ཆུབ་སེམས་དཔའི་སྤྱོད་ཡུལ་གྱི་ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པའི་མདོ་ལས་བྱུང་བ་སྟེ། ༡ དེ་ལ་གནམ་གྱིས་བསྐོས་པ་ཕུན་སུམ་ཚོགས་པའི་རྒྱལ་པོ་ནི། བློན་པོ་དང༌། བཀྲབས་པ་དང༌། མདའ་བར་མཆོག་དང༌། གྲོང་རྡལ་གྱི་མི་དང༌། ཡུལ་གྱི་མི་རྣམས་ལ་དབེན་ཅིང་གནོད་པ་ཆུང་བ་དང༌། ནད་མ་མཆིས་པའི་རང་བཞིན་ཅན་ནོ། ། ༢ འཁོར་སྲུན་པ་དང་ལྡན་པའི་རྒྱལ་པོ་ནི། རྒྱལ་པོའི་བགྱི་བའི་ལས་ཚེགས་ཆུང་ངུར་རྟག་ཏུ་བདེ་བར་གནས་ལ། རྒྱལ་པོའི་ཚུལ་ལས་མི་ཉམས་པའོ། ། ༣ ཤེས་རབ་ཕུན་སུམ་ཚོགས་པའི་རྒྱལ་པོ་ནི། ཆོས་ཀྱིས་སྐྱེ་རྒུ་བསྐྱང་བ་ལ་ཐབས་མཁས་ཤིང་བགྱི་བ་རྣམས་ལ་གཞན་གྱི་དྲིང་མི་འཇོག་པའོ། ། ༤ བརྩོན་པའི་རྒྱལ་པོ་ནི། དགྲ་མ་མཆིས་པས་དགའ་བར་གནས་ཤིང་མཛོད་འཕེལ་བར་བགྱིད་པའོ། ། ༥ ཆོས་ལ་གུས་པའི་རྒྱལ་པོ་ནི། བསོད་ནམས་ཀྱི་བགྱི་བའང་མི་གཏོང་ལ་མི་སྲུན་པ་རྣམས་ཚར་གཅོད་པའོ། ། ༦ མཁས་པའི་རྒྱལ་པོ་ནི། བསམ་པ་མྱུར་དུ་རྫོགས་ཤིང་མཐའ་མི་རིང་བས་བགྱི་བ་དག་ལས་མི་ཉམས་པའོ། ། ༧ དེས་པའི་རྒྱལ་པོ་ནི། སྐྱེ་བོ་ཐམས་ཅད་འཁོར་ཞིང་གྲོང་རྡལ་གྱི་མི་དང༌། ཡུལ་གྱི་མི་ཐམས་ཅད་ཀྱིས་ཡིད་བརྟན་དུ་རུང་བའོ། ། ༨ འཇིག་རྟེན་གྱི་ཀུན་སྤྱོད་རབ་ཏུ་རིག་པར་སྤྱོད་པའི་རྒྱལ་པོ་ནི། སྲུན་པ་དང་མི་སྲུན་པའི་བྱེ་བྲག་ཀྱང་ཡང་དག་པར་ཇི་ལྟ་བ་བཞིན་དུ་རྟོགས་ལ་ལོངས་སྤྱོད་འདུ་བའི་སྒོའང་ཆད་པར་མི་བགྱིད་པའོ། ། ༩ མི་བདེ་བ་བཟོད་པའི་རྒྱལ་པོ་ནི། རྒྱལ་པོའི་བགྱི་བའང་རྫོགས་པར་སྒྲུབ་ལ་སྡུག་བསྔལ་གྱིས་ཀྱང་མི་འཇིགས་པའོ། ། ༡༠ ཆོས་ལ་ཕྱིན་ཅི་མ་ལོག་པར་འཛིན་པ་ནི། ཁྱད་པར་དུ་འགྲོ་བའི་ལམ་ཡང་སྒྲུབ་ལ་དགེ་བའི་བཤེས་གཉེན་དག་དང་ཡང་མ་བྲལ་བའོ། །ཡན་ལག་བཅུ་པོ་དེ་དག་དང་ལྡན་པའི་ཆོས་ཀྱི་རྒྱལ་པོ་ནི། རྣམ་པ་ཐམས་ཅད་ཡོངས་སུ་རྫོགས་པའི་རྒྱལ་པོ་ཆོས་དང་ལྡན་པ་ལགས་སོ། །
Domain	ཆོས་ལུགས།