17563

ཆོས་ཀྱི་རྗེས་སུ་མཐུན་པའི་ཆོས་ལ་ཞུགས་པ་ (1)

Part of speech	མིང་ཚིག
Definition	འཕགས་ལམ་ཡན་ལག་བརྒྱད་ལ་ཞུགས་པ་ཏེ། མྱ་ངན་ལས་འདས་པའི་ཆོས་ལ་རྗེས་སུ་མཐུན་པར་ཞུགས་པའི་ཕྱིར་ན་དེ་སྐད་ཅེས་བྱ་སྟེ། སྒྲ་སྦྱོར་བམ་གཉིས་ལས། དྷརྨྨཱ་ནུ་དྷརྨྨ་པྲ་ཏི་པནྣ་ཞེས་བྱ་བ་དྷརྨྨ་ནི་ཆོས་ཏེ་མྱ་ངན་ལས་འདས་པ་ལ་བྱ། ཨ་ནུ་དྷརྨྨ་ནི་དེའི་རྗེས་སུ་མཐུན་པར་སྤྱོད་པའི་ཆོས་ཏེ། འཕགས་པའི་ལམ་ཡན་ལག་བརྒྱད་པ་ཡིན་ཏེ། དེ་ལ་ཞུགས་པས་ཆོས་ཀྱི་རྗེས་སུ་མཐུན་པའི་ཆོས་ལ་ཞུགས་པ་ཞེས་བྱ་ཞེས་གསུངས་པ་ལྟར་རོ། །