17646

ཆོས་གཞན་ཤུགས་ལ་འཕེན་པའི་མ་ཡིན་དགག་ (1)

Part of speech	མིང་ཚིག
Definition	མ་ཡིན་དགག་བཞི་ལས་ཆོས་གཞན་ཤུགས་ལ་འཕེན་པའི་མ་ཡིན་དགག་སྟེ། རྗེ་ཙོང་ཁ་པའི་རྩ་ཤེས་ཊཱིཀ་ཆེན་ལས། གཉིས་པ་(ཆོས་གཞན་ཤུགས་ལ་འཕེན་པའི་མ་ཡིན་དགག་)ནི་མཆོད་སྦྱིན་ཚོན་པོ་ཉིན་པར་མི་ཟ་བ་ཞེས་པ་ལྟ་བུ་སྟེ་དོན་གྱིས་བསྟན་པའོ། །ཞེས་དང་། ཚོན་པོ་ཉིན་པར་མི་ཟ་བ་ཞེས་པ་ནི། ཚོ་བས་ཟས་ཟོས་པའི་རྒྱུ་ཅན་དུ་གྲུབ་ལ། ཟ་དུས་ཉིན་མཚན་གཉིས་སུ་ངེས་ཤིང་། ཉིན་མོ་ཟ་བ་བཅད་པ་དངོས་ལ་ཡོད་པའི་ཤུགས་ཀྱིས་མཚན་མོ་ཟ་བ་དེ་སྒྲ་དེའི་ཤུགས་བསྟན་དང་། བློ་དེ་ཡི་ཤུགས་ཡུལ་ཡིན། ཞེས་གསུངས། མཁས་གྲུབ་བསྟན་དར་བའི་དབུ་མའི་སྤྱི་དོན་ལས། གཉིས་པ་ནི། ཉིན་པར་ཟས་མི་ཟ་བའི་ལྷས་སྦྱིན་ལྟ་བུའོ། །ཞེས་གསུངས།
Domain	ཚད་མ།