17676

ཆོས་གོས་འཁྲུར་འཇུག་གི་སྤང་བ་ (1)

Part of speech	མིང་ཚིག
Definition	སྤང་ལྟུང་སུམ་ཅུའི་ནང་གསེས། རང་གི་ཉེ་དུ་མ་ཡིན་པའི་དགེ་སློང་མ་ལ་གོས་རྙིང་པ་འཁྲུར་འཇུག་པ་སྟེ། གླེང་གཞི། ཡུལ་མཉན་ཡོད་དུ་གང་ཟག་འཆར་ཀས། ཉོན་མོངས་པ་འདོད་ཆགས་ཀྱིས་ཀུན་ནས་བསླངས་ཏེ། ཉེས་པ་དགེ་སློང་མ་ཉེ་དུ་མིན་པ་ལ་གོས་རྙིང་པ་འཁྲུར་བཅུག་པ་ལ་བརྟེན་ནས་བསླབ་པ་འདི་བཅས་ལ། ཡུལ་བསྙེན་པར་རྫོགས་པའི་སྡོམ་པ་དང་ལྡན་པ། ལྟ་བ་མཐུན་པ། མཚན་མི་མཐུན་པ། ཐ་སྙད་གསུམ་དང་ལྡན་པ། ལུས་བསྟེན་དུ་རུང་བ། ལུས་ཐ་མལ་པར་གནས་པ། རྫུ་འཕྲུལ་མ་ཐོབ་པ། ཉེ་དུ་མིན་པ་སྟེ་བརྒྱད་ལྡན་ཏེ་དགེ་སློང་མས་བསྐྱེད་པ་ཕལ་ཆེ་བ་ལ་ཤེས་པར་བྱའོ། །དངོས་པོ་ཆོས་གོས་གསུམ་དང་གདིང་བ་ལས་གང་ཡང་རུང་བ་དང༌། རུང་བ་ཚད་དང་ལྡན་པ་རང་གི་ཡིན་པ། བྱིན་གྱིས་བརླབས་པ། འཁྲུར་འཇུག་པར་འོས་པ། སྔར་ཕྱེད་བྱས་པ་མིན་པའོ། །ཀུན་སློང་འཁྲུ་བ་ལ་སོགས་པ་བྱེད་དུ་འཇུག་པར་འདོད་པའོ། །སྦྱོར་བ་ངག་དྲུག་ལྡན་ནོ། །མཐར་ཐུག་བྱ་བ་ཡོངས་སུ་རྫོགས་པ་ན་འཁྲུར་འཇུག་གི་སྤང་ལྟུང་ངོ་། །
Domain	ཆོས་ལུགས།