17773

ཆོས་ཐམས་ཅད་ཀྱི་རང་བཞིན་ཉམས་པ་ཉིད་རྣམ་པར་སྤྲོས་པའི་ཏིང་ངེ་འཛིན་ཐོབ་པར་འགྱུར་བའི་ཆོས་བཞི་ (1)

Part of speech	མིང་ཚིག
Definition	ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པ་ཏིང་ངེ་འཛིན་གྱི་རྒྱལ་པོའི་མདོ་ལས་བྱུང་བ་སྟེ། ༡ འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཤིང་འགྲོགས་ན་བདེ་བ་ཡིན། དུལ་ཞིང་དུལ་བའི་ས་ཐོབ་པ་ཡིན་ཏེ། དེ་ཕ་རོལ་གྱིས་གཤེས་སམ། སྤྱོས་པའི་ཚིག་ཉེས་པར་སྨྲ་ཞིང༌། ཉེས་པར་བརྗོད་པའི་ཚིག་གི་ལམ་བཟོད་ཅིང་མི་མཇེད་པའི་རང་བཞིན་ཅན་ཡིན། ལས་ལ་ལྟ་ཞིང་ང་རྒྱལ་བཅོམ་པ་དང་ཆོས་འདོད་པ་ཡིན་ཏེ། ཆོས་དང་པོ་འདི་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ཐོབ་པར་འགྱུར་རོ། ། ༢ བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་དང་ལྡན་པ་ཡིན། །ཚུལ་ཁྲིམས་ཡོངས་སུ་དག་ཅིང་ཚུལ་ཁྲིམས་མ་ཞིག་པ་དང༌། ཚུལ་ཁྲིམས་ལ་སྐྱོན་མེད་པ་དང༌། ཚུལ་ཁྲིམས་འདྲེན་མ་མ་ཡིན་པ་དང༌། ཚུལ་ཁྲིམས་སྲ་སྲེར་མ་གྱུར་པ་དང༌། ཚུལ་ཁྲིམས་མ་ཉམས་པ་དང༌། ཚུལ་ཁྲིམས་མི་གནས་པ་དང༌། ཚུལ་ཁྲིམས་མ་འབགས་པ་དང༌། ཚུལ་ཁྲིམས་མི་དམིགས་པ་དང༌། འཕགས་པས་བསྟོད་པའི་ཚུལ་ཁྲིམས་དང༌། མཁས་པས་བསྟོད་པའི་ཚུལ་ཁྲིམས་པ་ཡིན་ཏེ། ཆོས་གཉིས་པོ་འདི་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ཐོབ་པར་འགྱུར་རོ། ། ༣ བྱང་ཆུབ་སེམས་དཔའ་སེམས་དཔའ་ཆེན་པོ་ཁམས་གསུམ་ལ་སེམས་སྐྲག་པ་དང༌། སེམས་དངངས་པ་དང༌། སྐྱོ་བ་དང༌། དོན་དུ་མི་གཉེར་ཞིང་མངོན་པར་མི་དགའ་བ་དང༌། མ་ཆགས་མ་ཞེན་པ་དང༌། ཁམས་གསུམ་ལ་ཡིད་སྐྱོ་བས་ཁམས་གསུམ་ལས་གཞན་དུ་སེམས་ཅན་སྡུག་བསྔལ་བ་རྣམས་ཐར་བར་བྱའོ་ཞེས་བརྩོན་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་སྒྲུབ་པ་ཡིན་ཏེ། ཆོས་གསུམ་པོ་འདི་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ཐོབ་པར་འགྱུར་རོ། ། ༤ བྱང་ཆུབ་སེམས་དཔའ་སེམས་དཔའ་ཆེན་པོ་དད་ཅིང་ཆོས་ཡོངས་སུ་འཚོལ་བས་མི་ངོམས་པ་ཡིན། མང་དུ་ཐོས་ཤིང་འཇིགས་པ་མེད་པ་ཡིན། ཆོས་འདོད་ཅིང་ཆོས་ལྷུར་བྱེད་པ་ཡིན་ཏེ། རྙེད་པ་དང་བཀུར་སྟི་ལྷུར་བྱེད་པ་མ་ཡིན། ཤེས་ཀྱི་ཁེ་ལྷུར་བྱེད་པ་མ་ཡིན། ཕན་པའི་དངོས་པོ་སྔོན་དུ་འགྲོ་བའི་སེམས་ཀྱིས་ཆོས་ཇི་སྐད་དུ་ཐོས་པ་དང༌། ཇི་ལྟར་ཁོང་དུ་ཆུད་པ་གཞན་ལ་རྒྱ་ཆེར་འཆད་ཅིང་རབ་ཏུ་སྟོན་པ་ཡིན་ཏེ། ཤེས་ཀྱི་ཁེ་འདོད་པས་ནི་མ་ཡིན་གྱི། ཅི་ནས་སེམས་ཅན་འདི་རྣམས་ཆོས་འདི་དག་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་སྙམ་པ་སྟེ། ཆོས་བཞི་པོ་འདི་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ཐོབ་པར་འགྱུར་རོ། །
Domain	ཆོས་ལུགས།