17824

ཆོས་དང་གང་ཟག་གཉིས་སུ་ཕྱེ་བའི་གང་ཟག་ (1)

Part of speech	མིང་ཚིག
Definition	མདོ། ཐལ་འགྱུར་པ། གང་ཟག་བདག་མེད་ཕྲ་མོའི་དམིགས་ཡུལ་ཏེ་གང་ཟག་དང་དོན་གཅིག་ཡིན་ཏེ། མཁས་གྲུབ་བསྟན་དར་བའི་དབུ་མའི་སྤྱི་དོན་ལས། ཁ་ཅིག་གིས། ང་ཡི་བ་ཆོས་ཡིན་ཀྱང༌། ཆོས་དང་གང་ཟག་གཉིས་སུ་ཕྱེ་བའི་གང་ཟག་ཡིན་པའི་ཕྱིར་ཟེར། ཁ་ཅིག ང་ཡི་བ་གང་ཟག་ཡིན་ཀྱང༌། ཆོས་དང་གང་ཟག་གཉིས་སུ་ཕྱེ་བའི་ཆོས་ཡིན་ཟེར་ན། དང་པོ་མི་འཐད་དེ། ཆོས་དང་གང་ཟག་གཉིས་སུ་ཕྱེ་བའི་གང་ཟག་ཡིན་ན། གང་ཟག་ཡིན་དགོས་པའི་ཕྱིར། དེར་ཐལ། གཟུང་འཛིན་གཉིས་སུ་ཕྱེ་བའི་འཛིན་པ་ཡིན་ན། འཛིན་པ་ཡིན་དགོས་པའི་ཕྱིར། དེར་ཐལ། ཡུལ་ཡུལ་ཅན་གཉིས་སུ་ཕྱེ་བའི་ཡུལ་ཅན་ཡིན་ན། ཡུལ་ཅན་ཡིན་དགོས་པའི་ཕྱིར། གཉིས་པ་མི་འཐད་དེ། གང་ཟག་ཡིན་ན། ཆོས་དང་གང་ཟག་གཉིས་སུ་ཕྱེ་བའི་གང་ཟག་ཡིན་དགོས་པའི་ཕྱིར། དེར་ཐལ། འཛིན་པ་ཡིན་ན། གཟུང་འཛིན་གཉིས་སུ་ཕྱེ་བའི་འཛིན་པ་ཡིན་དགོས་པའི་ཕྱིར། དེར་ཐལ། ཡུལ་ཅན་ཡིན་ན། ཡུལ་ཡུལ་ཅན་གཉིས་སུ་ཕྱེ་བའི་ཡུལ་ཅན་ཡིན་དགོས་པའི་ཕྱིར། ཞེས་གསུངས། དོན་གཅིག་ལ། ང་། གང་ཟག ། སྐྱེས་བུ། སྐྱེ་བོ། བདག ། ཆོས་དང་གང་ཟག་གཉིས་སུ་ཕྱེ་བའི་གང་ཟག་རྣམས་སོ། །
Domain	ཆོས་ལུགས།