17832

ཆོས་དང་མཐུན་པའི་རྩོད་པ་ (1)

Part of speech	མིང་ཚིག
Definition	མདོ། ཆོས་དང་མཐུན་པའི་རྩོད་པ་ལ། །ལོག་རྟོག་བཟློག་ཕྱིར་བརྩད་བྱ་ཡི། །ཆགས་སྡང་དབང་གིས་རྒྱལ་འདོད་དང་། །ཕ་རོལ་ཕམ་པ་བསྐྱེད་ཕྱིར་མིན། །གང་ཟག་དམ་པ་རང་རང་གི་བསྟན་པ་གཟུང་བར་བྱ་བའི་དོན་དུ་འཁྲུལ་པ་བཟློག་ཅིང་མ་འཁྲུལ་པའི་དོན་གོ་བར་བྱ་བའི་ཕྱིར། རྒོལ་ཕྱིར་རྒོལ་བརྩད་ཀྱི། ཆགས་སྡང་གིས་ཀུན་ནས་བསླངས་ཏེ་རང་རྒྱལ་བ་དང་ཕ་རོལ་ཕམ་པ་བསྐྱེད་པའི་ཕྱིར་རྩོད་པས་ནི་བསྟན་པ་སྐྱོང་མི་ནུས་ཤིང་ཁྲོ་བ་དང་ཁོན་དུ་འཛིན་པར་འགྱུར་བས་དམ་པ་དག་མི་བཞེད་དེ། དབྱིག་གཉེན་གྱིས། གང་ཞིག་རྒྱལ་འདོད་འབའ་ཞིག་གིས། །རྩོད་སྨྲ་དམ་པ་མ་ཡིན་གྱི། །དེ་ཉིད་སོམ་ཉི་ངེས་པར་བྱེད། །ཅེས་བྱ་བ་ལ་སོགས་པ་རྒྱས་པར་གསུངས་སོ། །ཞེས་འཇམ་མགོན་ས་པཎ་གྱི་མཁས་འཇུག་ལས་སོ། །
Domain	ཆོས་ལུགས།