17896

ཆོས་བཅུ་ (1)

Part of speech	མིང་ཚིག
Definition	མདོ། ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། འདི་ལྟར་ཇི་སྐད་དུ་སྨྲས་པ་དེ་བཞིན་དུ་བྱ་བའི་ཕྱིར་བདེན་པའི་ཆོས། ལེན་ཅིང་འཛིན་པ་ཐམས་ཅད་ཡོངས་སུ་གཅད་པའི་ཕྱིར་ཡོངས་སུ་འཛིན་པ་མེད་པའི་ཆོས། ཉོན་མོངས་པའི་འབར་བ་ཐམས་ཅད་རབ་ཏུ་ཞི་བར་བྱ་བའི་ཕྱིར་རྩོད་པ་མེད་པའི་ཆོས། ཡོངས་སུ་གདུང་བ་དང་བྲལ་བའི་ཕྱིར་ཞི་བའི་ཆོས། འདོད་ཆགས་ཀྱི་དྲི་མ་དང་ཉོན་མོངས་པ་ཐམས་ཅད་དང་བྲལ་བའི་ཕྱིར་འདོད་ཆགས་དང་བྲལ་བའི་ཆོས། དམིགས་པ་ཐམས་ཅད་རྒྱུན་ཆད་པའི་ཕྱིར་ཡོངས་སུ་རྟོག་པ་མེད་པའི་ཆོས། ནམ་མཁའ་དང་འདྲ་ཞིང་མཚུངས་པའི་ཕྱིར་མི་སྐྱེ་བའི་ཆོས། སྐྱེ་བ་དང་། འཇིག་པ་དང་། གནས་པ་མེད་པའི་ཕྱིར་འདུས་མ་བྱས་ཀྱི་ཆོས། རང་བཞིན་གྱིས་ཀུན་ནས་ཉོན་མོངས་པ་མེད་པའི་ཕྱིར་རང་བཞིན་གྱི་ཆོས། བྱང་ཆུབ་སེམས་དཔའི་སྤྱོད་པ་བསྒྲུབ་ཅིང་། ཡོངས་སུ་གཟུང་བའི་ཕྱིར་ཕུང་པོ་ཐམས་ཅད་སྤངས་ཏེ། མྱ་ངན་ལས་འདས་པར་འགྲོ་བའི་ཆོས་སོ། །
Domain	ཆོས་ལུགས།

ཆོས་བཅུ་ (2)

Part of speech

མིང་ཚིག

Definition

མཛོད་ལས། ཆོས་བཅུ་དག་ནི་སྦྱར་བར་བྱ། །ཞེས་པའི་ཆོས་བཅུ་ནི། འདོད་པའི་མཚུངས་ལྡན་དང་མཚུངས་ལྡན་མ་ཡིན་པ་གཉིས། གཟུགས་ཀྱི་མཚུངས་ལྡན་དང་མཚུངས་ལྡན་མ་ཡིན་པ་གཉིས། གཟུགས་མེད་ཀྱི་མཚུངས་ལྡན་དང་མཚུངས་ལྡན་མ་ཡིན་པ་གཉིས། ཟག་མེད་ལ་མཚུངས་ལྡན་དང་མཚུངས་ལྡན་མ་ཡིན་པ་གཉིས། འདུས་མ་བྱས་ལ་དོན་དམ་པའི་དགེ་བ་དང༌དོན་དམ་པའི་ལུང་མ་བསྟན་གཉིས་ཏེ་བཅུ་ཡིན་ཏེ། མཆིམས་མཛོད་ལས། ཆོས་བཅུ་པོ་གང་དག་ཅེ་ན། ཆོས་འདུས་བྱས་ལ་འདོད་པ་དང་གཟུགས་དང་གཟུགས་མེད་པ་སྟེ་ཁམས་གསུམ་པའི་ཆོས་དང་དྲི་མ་མེད་པའི་ཆོས་ཏེ་རྣམ་པ་བཞི་དང༌། འདུས་མ་བྱས་ཀྱི་ཆོས་རྣམས་ཏེ་ལྔ་ལ་རེ་རེ་ལའང་རྣམ་པ་གཉིས་གཉིས་སུ་ཕྱེ་བས་སོ། །ཇི་ལྟར་ཞེ་ན་དང་པོ་བཞི་ལ་མཚུངས་ལྡན་དང་མཚུངས་ལྡན་མ་ཡིན་པ་གཉིས་གཉིས་ཏེ་བརྒྱད་དང༌། འདུས་མ་བྱས་ལ་སོ་སོར་བརྟགས་འགོག་དགེ་བ་དང་ནམ་མཁའ་དང་བརྟགས་མིན་ལུང་མ་བསྟན་ཡིན་པས་གཉིས་སུ་འགྱུར་བའི་ཕྱིར་རོ། །ཞེས་གསུངས།