18124

ཆོས་རབ་ཏུ་བརྗོད་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་བྱིས་པ་སོ་སོའི་སྐྱེ་བོ་རྣམས་ལ་ཀུན་རྫོབ་ལ་འཇུག་པའི་དགེ་པའི་རྩ་བ་བསྐྱེད་པ། ༢ དད་པའི་རྗེས་སུ་འབྲང་བ་རྣམས་ལ་དད་པ་མི་ཕྱེད་པ་དང༌། ཆགས་པའི་གནས་ལས་བཟླ་ཞིང་ཆོས་ཀྱི་རང་བཞིན་ཁོང་དུ་ཆུད་པར་བྱ་བ། ༣ ཆོས་ཀྱི་རྗེས་སུ་འབྲང་བ་རྣམས་ལ་ཆོས་ལ་གནས་པ་དང༌། ཆོས་ཀྱི་རྗེས་སུ་བརྩོན་པ་དང༌། ཆོས་དང་གཉེར་བའི་ཆོས་ལ་ནན་ཏན་དུ་བྱེད་པ། ༤ བརྒྱད་པ་རྣམས་ལ་ལོག་པ་བརྒྱད་ལས་བཟླ་ཞིང་ཡང་དག་པ་བརྒྱད་ལ་འཇུག་པ། ༥ རྒྱུན་དུ་ཞུགས་པ་རྣམས་ལ་ཀུན་ཏུ་སྦྱོར་བ་ཡོངས་སུ་སྤང་བ་དང༌། འཁོར་བའི་རྒྱུན་གཅད་པ་དང༌། དོན་དམ་པའི་བདེན་པ་མཐོང་བ། ༦ ལན་གཅིག་ཕྱིར་འོང་བ་རྣམས་ལ་རོ་མྱོང་བའི་ཁ་ན་མ་ཐོ་བ་ཡོངས་སུ་བརྟག་པ་དང༌། གང་དུ་ཡང་མ་འོངས་ལ་མི་འགྲོ་བའི་ཆོས་རབ་ཏུ་བརྗོད་པ། ༧ ཕྱིར་མི་འོང་བ་རྣམས་ལ་ཁམས་གསུམ་དུ་མངོན་པར་དགའ་བ་མེད་པས་སྐད་ཅིག་འགའ་ཙམ་དུ་ཡང་སྐྱེ་བར་མི་སྨོན་པའི་ཕྱིར། ཟག་པ་ཟད་པ་རབ་ཏུ་བརྗོད་པ། ༨ དགྲ་བཅོམ་པ་རྣམས་ལ་མངོན་པར་ཤེས་པ་དྲུག་གིས་རྣམ་པར་འཕྲུལ་བ་དང༌། རྣམ་པར་ཐར་པ་བརྒྱད་ཀྱིས་རྣམ་པར་རྩེ་བ་དང༌། མཐར་གྱིས་སྤྱོད་ཅིང་སྙོམས་པར་འཇུག་པ་དགུའི་ཏིང་ངེ་འཛིན་ལ་སྙོམས་པར་འཇུག་པ་དང༌། ཐ་དད་པ་ཡང་དག་པར་ཤེས་པ་བཞི་རབ་ཏུ་བརྗོད་པ། ༩ རང་སངས་རྒྱས་རྣམས་ལ་རྟེན་ཅིང་འབྲེལ་བར་འབྱུང་བ་ལ་འཇུག་པའི་རོ་གཅིག་པ་དང༌། གཅིག་ཏུ་དགའ་བ་དང༌། དབེན་པ་ལ་དགའ་བ་དང༌། སྨྲ་བ་ཉུང་བ་དང༌། བྱ་བ་ཉུང་བ་དང༌། རང་འབྱུང་གིས་ཡོངས་སུ་གནས་པ་དང༌། མ་ཐོས་པར་རང་གི་ཡེ་ཤེས་ཀྱིས་མངོན་པར་རྟོགས་པར་བྱ་བ་རབ་ཏུ་བརྗོད་པ། ༡༠ བྱང་ཆུབ་སེམས་དཔའ་རྣམས་ལ་བློ་གྲོས་རྒྱ་ཆེན་པོ་དང༌། དབང་པོ་རྣོ་བ་དང༌། རྟག་ཏུ་རྒྱུན་མི་འཆད་པར་སེམས་ཅན་རབ་ཏུ་ཐར་པར་བྱེད་པའི་སེམས་དང༌། བསོད་ནམས་ཀྱི་ཚོགས་བསགས་པ་དང༌། སྟོབས་བཅུ་དང༌། མི་འཇིགས་པ་དང༌། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བ་རབ་ཏུ་བརྗོད་པའོ། །
Domain	ཆོས་ལུགས།