18170

ཆོས་རྗེ་རིན་ཚུལ་བ་ (1)

Part of speech

མིང་ཚིག

Definition

ཐོགས་མེད་སྤྲུལ་པ་ཆོས་རྗེ་རིན་ཚུལ་བ་ཕྱི་ལོ་ ༡༢༩༧ མེ་མོ་བྱ་ཡི་ལོར་ཡུལ་བྱ་རྗིང་དུ་སྐུ་འཁྲུངས། དགུང་ལོ་བརྒྱད་ནས་བསྟན་པ་ལ་ཞུགས་ཏེ་སྐྱེས་བུ་དམ་པ་མང་པོ་བསྟེན་ནས་མདོ་སྔགས་ཀྱི་གཞུང་ལུགས་ལ་མཁས་པར་སྦྱངས། དབང་ལུང་མན་ངག་རྒྱ་ཆེར་གསན། ཁྱད་པར་རྗེ་རང་བྱུང་པས་ལུང་བསྟན་ལྟར་ཇོ་ནང་དུ་ཀུན་མཁྱེན་ཆེན་པོ་དང་མཇལ་ནས་མདོ་རྒྱུད་མཐའ་དག་གསན་ཅིང་ཉམས་རྟོགས་ཁྱད་པར་ཅན་བྱུང༌། ཀུན་སྤངས་ཆོས་གྲགས། ལོ་ཙཱ་བློ་གྲོས་དཔལ་བ། ས་བཟང་གསུམ་ལ་ཆོས་མང་ཞུས། དགུང་ལོ་ང་བརྒྱད་དུ་མཁན་ནོར་བཟང་གིས་སྟོད་ལུང་རྣམ་རྒྱལ་དགོན་ཕུལ་ནས་དེར་རྟེན་གསུམ་བཞེངས། གུང་ཐང་དུ་སྦྱོར་དྲུག་སོགས་ཆོས་མང་གསུངས། མཚན་ཉིད་པ་མང་པོ་ཕར་ཚད་ཀྱི་བགྲོ་གླེང་གིས་ཕམ་པར་མཛད། སླར་རྣམ་རྒྱལ་དགོན་དུ་རྒྱུད་འགྲེལ་སོགས་གསུངས་ཤིང༌། ཚོགས་གཉིས་ལམ་འཇུག་གི་བཤད་པ་ཆེ་ཆུང་སོགས་ཀྱང་མཛད། ཆོས་རྗེ་རྒྱ་ནག་གིས་གདན་འདྲེན་སྐབས་ལྷ་སའི་ཇོ་ཁང་དུ་ཆོས་རྗེའི་སྐུ་འདྲ་ཉིད་ཀྱིས་བཞེངས་དགུང་ལོ་དོན་གཉིས་ཕྱི་ལོ་ ༡༣༦༨ ས་ཕོ་སྤྲེལ་ལོའི་ལྔ་པའི་བཅུ་དྲུག་ལ་རྟགས་དང་བཅས་སྐུ་གཤེགས་སོ། །