From Rangjung Yeshe Wiki - Dharma Dictionary
Jump to navigation
Jump to search
ཀུན་ཏུ་བཟང་པོ་ (1)
| Part of speech
|
མིང་ཚིག
|
| Definition
|
ཆོས་ལུགས། སྔགས། མ་ཧཱ་ཡོ་ག ཀུན་ཏུ་བཟང་པོ་ནི། ཕྱོགས་བཅུའི་མུན་སེལ་ལས། སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ལྷུན་སྟུག་པོ་བཀོད་པའི་ཞིང་ན་འཕོ་འགྱུར་མེད་པས་དུས་ཀུན་ཏུ་བཞུགས་ཤིང་རང་སྣང་བའི་ལོངས་སྤྱོད་ཆེན་པོ་རྫོགས་པས་བཟང་པོ་སྟེ། ཡེ་ཤེས་གསང་བ་ལས། རང་བཞིན་མི་གཡོ་ལྷུན་རྫོགས་ཤིང་། །སྤྱོད་ཡུལ་ཀུན་ཏུ་བཟང་པོ་སྟེ། །ཞེས་སོ། །དབྱེ་ན་ལྔ་སྟེ། ཀུན་གྱི་སྔོན་རོལ་ཏུ་མངོན་པར་བྱང་ཆུབ་པ་གདོད་མའི་སྟོན་པ་ཀུན་ཏུ་བཟང་པོ་སྟེ། ཞེས་དང་། ཆོས་ཐམས་ཅད་ཀྱི་གནས་ལུགས་དེ་བཞིན་ཉིད་ནི་རང་བཞིན་ཀུན་ཏུ་བཟང་པོའོ། །སེམས་ཉིད་འོད་གསལ་བའི་ངོ་བོ་སྐུ་གསུམ་འདུ་འབྲལ་མེད་པའི་རང་བཞིན་ད་ལྟ་ཉིད་ནས་རང་ཆས་སུ་ལྷུན་གྱིས་གྲུབ་པས་ཡེ་ནས་སངས་རྒྱས་པ་ནི་གཞིའི་ཀུན་ཏུ་བཟང་པོའོ། །ལམ་གོམས་པས་ཐབས་ཤེས་གཉིས་མེད་ཀྱི་རྟོགས་པ་ཤར་བ་ནི་ལམ་ཀུན་ཏུ་བཟང་པོའོ། །ལམ་མཐར་ཕྱིན་ནས་གཞི་ཐོག་ཏུ་ཕྱིན་ཏེ་སྐུ་ལྔ་ཡེ་ཤེས་ལྔ་ལྷུན་གྱིས་གྲུབ་པ་ནི་འབྲས་བུའི་ཀུན་ཏུ་བཟང་པོའོ། །ཞེས་རྣམ་གྲངས་ལྔར་གསུངས།
|
| Domain
|
ཆོས་ལུགས།
|
ཀུན་ཏུ་བཟང་པོ་ (2)
| Part of speech
|
མིང་ཚིག
|
| Definition
|
རྒྱལ་བ་རྡོ་རྗེ་འཆང་སྟེ། རྗེ་ཙོང་ཁ་པའི་གསང་འདུས་འགྲེལ་པ་བཞི་སྦྲགས་ལས། ཀུན་ཏུ་བཟང་པོ་ནི་རྡོ་རྗེ་འཆང་ཆེན་པོ་སྟེ། ཞེས་གསུངས།
|
ཀུན་ཏུ་བཟང་པོ་ (3)
| Part of speech
|
མིང་ཚིག
|
| Definition
|
ཡི་དམ་གྱི་ལྷ་ཞལ་གསུམ་ཕྱག་དྲུག་དང་ལྡན་པ་ཞིག་སྟེ། རྗེ་ཙོང་ཁ་པའི་སྔགས་རིམ་ཆེན་མོ་ལས། ཀུན་ཏུ་བཟང་པོ་ནི། དཀར་སྔོ་དམར་བའི་ཞལ་གསུམ་ཕྱག་དང་པོ་གཉིས་འཁྱུད་པའི་ཕྱག་རྒྱ་ཅན་གཡས་འོག་མ་གཉིས་རྡོ་རྗེ་དང་རལ་གྲི་དང༌། གཡོན་འོག་མ་གཉིས་རིན་པོ་ཆེ་དང་པདྨ་འཛིན་པ། དར་དང་རིན་པོ་ཆེའི་རྒྱན་གྱིས་བརྒྱན་པ། ཞེས་གསུངས།
|
ཀུན་ཏུ་བཟང་པོ་ (4)
| Part of speech
|
མིང་ཚིག
|
| Definition
|
ཉེ་བའི་སྲས་ཆེན་བརྒྱད་ཀྱི་ཡ་གྱལ་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ།
|
ཀུན་ཏུ་བཟང་པོ་ (5)
| Part of speech
|
མིང་ཚིག
|
| Definition
|
ཆོས་སྐུ་སྟེ། ཡེ་ཤེས་གྲུབ་པ་ལས། ཀུན་ཏུ་བཟང་པོ་ཞེས་བཤད་ཅིང་། །ཕྱག་རྒྱ་ཆེན་པོ་ཞེས་ཀྱང་བྱ། །མེ་ལོང་ཡེ་ཤེས་ཞེས་བྱ་སྟེ། །འདི་ནི་ཆོས་སྐུར་ཤེས་པར་བྱ། །ཞེས་ཀློང་ཆེན་རབ་འབྱམས་ཀྱི་ཡིད་བཞིན་མཛོད་འགྲེལ་པདྨ་དཀར་པོ་ན་གསལ།
|
ཀུན་ཏུ་བཟང་པོ་ (6)
| Part of speech
|
མིང་ཚིག
|
| Definition
|
ལྟ་སྒོམ་སྤྱོད་འབྲས་བཞིའི་ནང་གི་སྤྱོད་པ་ལྔའི་ཡ་གྱལ་ཏེ། ཀུན་ཏུ་བཟང་པོའི་སྤྱོད་པའང་ཟེར།
|
ཀུན་ཏུ་བཟང་པོ་ (7)
| Part of speech
|
མིང་ཚིག
|
| Definition
|
རྫོགས་ཆེན་གྱི་གཞུང་དུ་གསལ་བའི་ཆོས་སྐུའི་སྟོན་པ།
|
ཀུན་ཏུ་བཟང་པོ་ (8)
| Part of speech
|
མིང་ཚིག
|
| Definition
|
རྫོགས་པ་ཆེན་པོའི་སྐབས་ཀྱི་རིག་པ།
|
ཀུན་ཏུ་བཟང་པོ་ (9)
| Part of speech
|
མིང་ཚིག
|
| Definition
|
བོན་ལུགས་ཀྱི་ལོངས་སྤྱོད་རྫོགས་པའི་སྐུ།
|
ཀུན་ཏུ་བཟང་པོ་ (10)
| Part of speech
|
མིང་ཚིག
|
| Definition
|
སངས་རྒྱས་སྤྱིའི་མཚན་ཏེ། སྐྱོན་དང་བྲལ་ཅིང་ཡོན་ཏན་ཀུན་རྫོགས་པས་ནའོ། །
|
| Type
|
མངོན་བརྗོད།
|
ཀུན་ཏུ་བཟང་པོ་ (1)
| Part of speech
|
རྒྱན་ཚིག
|
| Definition
|
ཆ་ཐམས་ཅད་ནས་ལེགས་པའམ་དགེ་བ་དང་། ཡོན་ཏན་ཡོངས་སུ་རྫོགས་པའི་དོན།
|
| Example
|
ཡོན་ཏན་ཀུན་ཏུ་བཟང་པོ་ལྟ་བུ།
|