18517

ཇི་ལྟ་བ་གཟིགས་པའི་གཟིགས་ངོར་ཇི་སྙེད་པ་མ་གཟིགས་པ་ (1)

Part of speech	མིང་ཚིག
Definition	མདོ། དབུ་མ། ཐལ་འགྱུར་པ། ཇི་ལྟ་བ་གཟིགས་པའི་མཉམ་གཞག་ཡེ་ཤེས་དེས་ཇི་ལྟ་བའི་ཆོས་རྟོགས་པ་ལྟར་དུ་ཇི་སྙེད་པའི་ཆོས་མ་རྟོགས་པ་སྟེ། དཔེར་ན་ མཉམ་གཞག་ཡེ་ཤེས་རྣམས་ཀྱིས་ཇི་ལྟ་བའི་ཆོས་རྟོགས་པ་ན་ཆུ་ལ་ཆུ་བཞག་གི་ཚུལ་དུ་གཉིས་སྣང་ནུབ་པའི་སྒོ་ནས་རྟོགས། དེ་ལྟར་དུ་ཇི་སྙེད་པའི་ཆོས་མ་རྟོགས་པའི་ཕྱིར་ཏེ། མཁས་གྲུབ་བསྟན་དར་བའི་དབུ་མའི་སྤྱི་དོན་ལས། རྣམ་མཁྱེན་གྱིས་ཇི་སྙེད་པ་མ་གཟིགས་པའི་ཚུལ་གྱིས་ཇི་ལྟ་བ་གཟིགས་པ་དང༌། ཇི་ལྟ་བ་མ་གཟིགས་པའི་ཚུལ་གྱིས་ཇི་སྙེད་པ་གཟིགས་པ་དང༌། ཇི་སྙེད་པ་གཟིགས་པའི་གཟིགས་ངོར་ཇི་ལྟ་བ་མ་གཟིགས་པ་དང༌། ཇི་ལྟ་བ་གཟིགས་པའི་གཟིགས་ངོར་ཇི་སྙེད་པ་མ་གཟིགས་པའི་དོན་ཡོད་དེ། ཇི་ལྟ་བ་གཟིགས་པ་ལྟར་དུ་ཇི་སྙེད་པ་མ་གཟིགས། ཇི་སྙེད་པ་གཟིགས་པ་ལྟར་དུ་ཇི་ལྟ་བ་མ་གཟིགས་པའི་དོན་ཡིན་པའི་ཕྱིར། དེར་ཐལ། མདོ་ལས། ཇི་ལྟར་དོན་དམ་པའི་བདེན་པ་ཞེས་བརྗོད་པ་ལྟར་ནི་མ་ཡིན་ནོ། །ཞེས་དང༌། མངོན་རྟོགས་རྒྱན་ལས། གཟུགས་ལ་སོགས་པར་མི་ཤེས་ཕྱིར། །དེ་ནི་བསམ་མི་ཁྱབ་པར་འདོད། །ཅེས་དང༌། མདོ་ལས། མིག་དང་རྣ་བ་སྣ་ཡང་ཚད་མ་མིན། །ཞེས་གསུངས་པའི་ཕྱིར། རྣམ་མཁྱེན་གྱིས་རྣམ་མཁྱེན་བདེན་སྟོང་གཟིགས་པ་ལྟར་དུ་རྣམ་མཁྱེན་མ་གཟིགས་པ་ཡིན་ཏེ། དེས་རྣམ་མཁྱེན་བདེན་སྟོང་གཟིགས་པ་ན་ཆུ་ལ་ཆུ་བཞག་གི་ཚུལ་དུ་རོ་མཉམ་དུ་གཟིགས། རྣམ་མཁྱེན་གཟིགས་པ་ན་དེ་ལྟར་དུ་མ་གཟིགས་པའི་ཕྱིར། ཞེས་གསུངས།
Domain	ཆོས་ལུགས།