18624

ཇོ་བོ་ཤཱཀྱ་མུ་ནེ་ (1)

Part of speech

མིང་ཚིག

Definition

སངས་རྒྱས་ཤཱཀྱ་ཐུབ་པ་དགུང་གྲངས་བཅུ་གཉིས་ལ་ཕེབས་པའི་སྐུ་ཚད་དང་མཐུན་པའི་ལྷ་སྐུ་ཞིག་ཆོས་རྒྱལ་སྲོང་བཙན་སྒམ་པོའི་སྐུ་དུས་རྒྱ་བཟའ་ཀོང་ཇོས་རྟེན་སྐལ་ལ་བོད་དུ་གདན་དྲངས་ཏེ་ད་ལྟ་ལྷ་ས་གཙུག་ལག་ཁང་དུ་བཞུགས་པའི་སྐུ་ངོ་མཚར་ཅན་དེ་ཡིན། དེ་ནི་སྔར་རྒྱ་གར་ཤར་ཕྱོགས་ཀྱི་ཡུལ་མ་ག་དྷ་བྱ་བར་སངས་རྒྱས་ཆོས་ལུགས་ལ་དད་པ་ཤིན་ཏུ་ཆེ་བའི་པཱ་ལའི་རྒྱལ་བརྒྱུད་བདུན་ནང་གི་རྒྱལ་པོ་ཆེ་གེ་མོ་ཞིག་གི་དུས་སུ། རྒྱ་ནག་རྒྱལ་པོའི་རྟེན་སྐྱེས་སུ་བསྐུར་ཏེ་རྒྱ་ནག་ཏུ་ལོ་ལྔ་བརྒྱ་ཙམ་དུ་བཞུགས་ཟེར། དེ་ནས་རྒྱའི་ཐང་རྒྱལ་རབས་སྐབས་རྒྱལ་པོ་ཐང་ཐའེ་ཙུང་གིས་འོན་ཤིང་ཀོང་ཇོ་བོད་རྒྱལ་སྲོང་བཙན་སྒམ་པོའི་བཙུན་མོར་བྱིན་ཏེ་བཙུན་མོའི་རྟེན་སྐལ་དུ་ཇོ་བོ་ཤཱཀྱ་མུ་ནེའི་སྐུ་དེ་བོད་དུ་བསྐུར་ནས། ཐོག་མར་ར་སའི་ལྷོ་སྒོ་མེ་ལོང་ཅན་དུ་བཞུགས་པར་གྲགས། ད་ལྟ་ལྷ་ས་གཙུག་ལག་ཁང་དུ་བཞུགས།