18886

ཉན་ཐོས་དང་ཐུན་མོང་བའི་བསམ་གཏན་ (1)

Part of speech	མིང་ཚིག
Definition	མདོ། ཕར་ཕྱིན། ཉན་ཐོས་དང་ཐུན་མོང་བ་ནི་མི་རྟག་པ་ལ་སོགས་པ་འཁོར་བའི་ཉེས་དམིགས་བསམས་ནས་ལམ་ལ་འཇུག་པ་ན། སྔོན་འགྲོའི་བསྒོམ་པ་ནི། ཉོན་མོངས་པ་ཤས་ཆེ་ན་མི་སྡུག་པ་ནས་བརྩམས། རྣམ་པར་རྟོག་པ་ཤས་ཆེ་ན་བགྲང་བ་དང་རྗེས་སུ་རྟོག་པ་རླུང་ནས་བསྒོམ་སྟེ། མཛོད་ལས། དེ་ལ་འཇུག་པ་མི་སྡུག་དང། །དབུགས་དབྱུང་རྔུབ་པས་དྲན་པ་ཡིས། །འདོད་ཆགས་རྣམ་རྟོག་ལྷག་རྣམས་ལ། །ཞེས་གསུངས་པ་ལྟར་རོ། །དངོས་གཞིའི་བསྒོམ་པ་ནི། ལམ་ལྔ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྟར་བསྒོམ་སྟེ། དྲན་པ་ཉེ་བར་གཞག་པ་བཞིས་ཚོགས་ཀྱི་ལམ། ཡང་དག་པར་སྤོང་བ་བཞིས་དྲོད། རྫུ་འཕྲུལ་གྱི་རྐང་པ་བཞིས་རྩེ་མོ། དབང་པོ་ལྔས་བཟོད་པ། སྟོབས་ལྔས་འཇིག་རྟེན་ཆོས་མཆོག འཕགས་པའི་ལམ་ཡན་ལག་བརྒྱད་ཀྱིས་མཐོང་ལམ། བྱང་ཆུབ་ཀྱི་ཡན་ལག་བདུན་གྱིས་སྒོམ་ལམ་སྟེ་འདི་དག་ཐེག་པ་ཆེན་པོ་དང་དམིགས་པ་དང་གོ་རིམ་ལ་སོགས་པའང་མི་མཐུན། ཐེག་པ་དམན་པ་ཡིན་པས་རེ་ཞིག་བཞག་གོ ། ཞེས་ཆོས་རྗེ་ས་པཎ་གྱི་ཐུབ་པ་དགོངས་གསལ་ལས།
Domain	ཆོས་ལུགས།