18925

ཉན་པ་པོ་སྐྱོན་མེད་ (1)

Part of speech	མིང་ཚིག
Definition	མདོ། དབུ་མ། ཉན་པ་པོ་ཡོན་ཏན་ལྡན་པ་ལ་མཚན་ཉིད་གཏན་འབེབས་ཀྱི་ཉན་པ་པོ་དང། སྒྲུབ་པ་ཉམས་ལེན་གྱི་ཉན་པ་པོ་གཉིས་ལས། དང་པོ་ནི་བཞི་བརྒྱ་པ་ལས། གཟུར་གནས་བློ་ལྡན་དོན་གཉེར་བ། །ཉན་པོ་སྣོད་ཅེས་བྱ་བར་བརྗོད། །ཅེས་པ་ལྟར། ཆོས་དང་གང་ཟག་ལ་ཕྲག་དོག་དང་། ཁོང་ཁྲོས་དབེན་པའི་བློ་གཟུ་བོར་གནས་པ་དང་། བཤད་བྱའི་དོན་དེ་རྟོགས་པར་ནུས་པའི་ཤེས་རབ་དང་ལྡན་པ་དང། དོན་དུ་གཉེར་བའི་བརྩོན་འགྲུས་དང་ལྡན་པ་སྟེ་མཚན་ཉིད་གསུམ་ལྡན་ནོ། །གཉིས་པ་ནི། རིན་ཆེན་ཕྲེང་བ་ལས། དེ་ཡི་སྒྲུབ་པ་མདོར་བསྡུ་ན། །མདོར་ན་དད་དང་ཤེས་རབ་པོ། །དད་ཅན་ཡིན་ཕྱིར་ཆོས་ལ་བརྟེན། །ཤེས་རབ་ལྡན་ཕྱིར་ཡང་དག་རིག། །ཅེས་པ་ལྟར་འགྲོ་བ་བཞི་ཡིས་ཆོས་ལས་མི་འདའ་བའི་དད་པ་ལྡན་པ་དང་། བཤད་བྱའི་དོན་དེ་རྟོགས་པར་ནུས་པའི་ཤེས་རབ་ཏེ་མཚན་ཉིད་གཉིས་ལྡན་དུ་གསུངས་སོ། །དེ་དག་ཀྱང་གཙོ་ཆེ་བའི་དབང་དུ་བྱས་ཀྱི། གཉིས་ཀ་ལའང་གཉིས་ཀ་དགོས་པར་ཤེས་པར་བྱའོ། །ཞེས་ཀུན་མཁྱེན་གོ་རམས་པའི་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།