1893

ཀུན་ཏུ་འོད་ (1)

Part of speech	མིང་ཚིག
Definition	ས་བཅུ་གཅིག་པ་སྟེ། འདིའི་དོན། དཔལ་གསང་བ་སྙིང་པོའི་རྒྱ་ཆེར་འགྲེལ་པ་ལས། ཅིའི་ཕྱིར་ཀུན་འོད་ཅེ་ན། དཔེར་ན་འཛམ་བུ་གླིང་དུ་ཉི་མ་ཤར་ན། ཡུལ་ཁམས་བསྒྱུར་ནས་ཤར་པ་མ་ཡིན་ཏེ། འཛམ་བུ་གླིང་དུ་ལྷན་ཅིག་ཏུ་ལྷག་གིས་ཤར་བ་དང་འདྲ་བར། ས་བཅུ་གཅིག་ཀུན་ཏུ་འོད་དུ་ཆོས་ཀྱི་སྐུ་མཚན་མ་མེད་པར་ལྷག་གིས་མཐོང་བ་དེ་ཡང་། ཤེས་པ་དང་ཤེས་བྱ་ཐམས་ཅད་ནམ་མཁའི་དབྱིངས་བཞིན་དུ་དུས་གཅིག་ཏུ་ལྷག་གིས་མཐོང་བ་ཡིན་པའི་ཕྱིར་ཀུན་ཏུ་འོད་ཅེས་བྱའོ། །ཞེས་དང་། དཀོན་ཅོག་འགྲེལ་ལས། ཐབས་དང་ཤེས་རབ་ཐབས་ཀྱི་མཆོག། ཅེས་པ་ནི་ཀུན་ཏུ་འོད་ཀྱི་ས་སྟེ། འདི་ལྟར་ཕ་རོལ་ཏུ་ཕྱིན་པ་བཅུ་དང་ས་བཅུ་ནི་ཐབས་དང་ཤེས་རབ་ཀྱིས་བསྡུས་པ་ཡིན་ལ། ས་དེ་དག་གི་ཐབས་ཀྱི་འབྲས་བུ་ནི་ཀུན་ཏུ་འོད་ཀྱི་ས་སྟེ། འོད་ཟེར་མང་པོ་བཀྱེ་བས་འདུལ་བའི་འགྲོ་བ་སྣོད་དུ་རུང་བར་མཛད་པའི་ཕྱིར། སངས་རྒྱས་ཀྱི་ས་ཀུན་ཏུ་འོད་ཅེས་ཐུན་མོང་དུ་གྲགས་སོ། །ཞེས་དང་། ཕྱོགས་བཅུའི་མུན་སེལ་ལས། དེ་ལྟར་ས་བཅུ་རྫོགས་ནས་འོད་ཟེར་མང་པོ་བཀྱེ་ནས་སེམས་ཅན་གྱི་དོན་མཛད་པ་བཅུ་གཅིག་ཀུན་ཏུ་འོད་ཀྱི་ས་དང་། ཞེས་གསུངས།
Domain	ཆོས་ལུགས།